Babanggain ng Rookie Team Commission on Audit Enablers ang two time champion AFP Cavaliers sa unang sagupaan ng triple header ng UNTV Cup Season 6 sa Linggo, alas dos ng hapon sa Pasig City Sports Center.
Ang COA Enablers ay nakatikim ng talo sa una nilang salang noong nakaraang September 17 kontra Department of Heath Achievers.
Ayon sa kanilang headcoach na si basketball legend Freddie Hubalde, matinding pag-eensayo ang kanilang ginagawa upang matapatan ang champion caliber ng AFP.
Pangungunahan ang koponan ng COA ng dalawang ex-pro bigmen na sina Ernesto Ballesteros at Arnold Gamboa na kapwa umiskor ng mahigit sa trenta puntos sa kanilang debut game.
Samantala, ang AFP Cavaliers ay pursigidong mailista ang kanilang ikalawang sunod na panalo. Lalo na at mas lalong bumilis ang kanilang opensa dahil sa pagkaragdag ng dalawang sundalo mula sa Airforce na sina Romeo Almerol at Julius Lumongsod.
Dagdag pa ng AFP, mas inspirado aniya ang kanilang koponan ngayong season. Sakaling manalo ang AFP, aagapay sila sa defending champion PNP Responders na may 2- 0 win loss record habang magiging 1-1 panalo-talo naman ang COA kung maitutumba nila ang Cavaliers.
( Bernard Dadis / UNTV Correspondent )
Tags: AFP Cavaliers, Rookie Team COA Enablers, UNTV Cup Season 6
METRO MANILA – Hindi na pina-isa ng Armed Forces of the Philippines (AFP) Cavaliers ang Judiciary Magis sa Game 2 ng best-of-three finals upang makuha ang ika-apat na UNTV Cup title.
Mula sa early lead ng Magis sa unang 6 na minuto ng first quarter, nabawi ito ng Cavaliers sa 8-0 run upang agawin ang liderato sa score na 13-11.
Magmula nito ay umalagwa na at lumayo ang lamang ng Cavaliers sa mga sumunod na quarter na hanggang tumunog ang final buzzer sa score na 79-63.
Dahil sa panalo, nakuha ng AFP ang Final Series sa 2-0 dahilan upang makuha ang championship sa pangunguna ng kanilang Finals MVP na si Darwin Cordero.
Bukod sa trophy, ₱3 million tax-free ang natanggap ng AFP Educational Benefit System Office na siyang beneficiary ng AFP samantalang ₱2 million naman ang mapupunta sa Judiciary Magis na itutulong sa mga empleyado ng hudikatura na nasalanta ng kalamidad.
(Judren Soriano | La Verdad Correspondent)
Nanatiling hawak ng AFP Cavaliers ang solong liderato sa nalalapit na pagtatapos ng second round eliminations ng UNTV Cup Season 7.
Ang Cavaliers na may pito ng panalo at isa pa lamang talo ay pinataob ang DA Food Masters sa score na 79-73. Best player of the game si Darwin Cordero na may 24 points 3 rebounds 2 assist at isang steal. Nabaon naman sa ilalim na pwesto ang Food Masters na may 3-6 win loss record.
Samantala, mahigpit namang nakakapit ang Malacañang-PSC Kamao sa ikalawang pwesto na may 6 ng panalo at isa pa lang na talo. Pinatumba ng Kamao ang PITC sa dikdikang sagupaan sa score na 69-64. Ito ang ika-apat na pagkatalo ng Global Traders na sa ika-anim na pwesto sa team standings matapos ang apat na sunod na panalo.
Best player of the game si Michael Ignario na may 15 points at ang bigman na si Martin Lloyd Antonio na may 16points.
Kinailangan naman ng overtime game upang gibain ng defending champion na Senate Defenders ang NHA Builders sa makapigil hiningang sagupaan sa score na 98-97.
Nanguna sa Defenders sina Marlon Legaspi na may 22points at si Harly na may 24 pts and 3 rebounds kaya tinanghal na best player of the game.
Dahil dito, umakyat sa ika-apat na presto ang Defenders na may lima ng panalo at habang nalaglag sa ikalimang pwesto ang NHA.
Tila nasayang naman ang double-double ni Mavin Mercado na may 28 points at 16 rounds.
( Bernard Dadis / UNTV Correspondent )
Hindi mailarawan ang katuwaan ng mga senador nang masungkit ng Senate Defenders ang kauna-unang kampiyonato sa UNTV Cup kontra Malacañang PSC Kamao.
Humanga naman ang ilang senador at maging si Special Assistant to the President Secretary Bong Go sa kakaibang konsepto ng pagtulong sa kapwa na ikinakampanya ng liga ng mga public servants.
Nagpapasalamat din si Go sa UNTV dahil sa napakalaking na tulong na naibahagi nito sa kanila lalong-lalo na sa mga napiling beneficiary.
Labis namang ipinagmalaki ang naging tagumpay, hindi lamang ng mga taga-suporta ng Senate Defenders, kundi maging ang buong Senado.
Kahapon, inisponsor sa plenaryo ni Senate Minority Leader Franklin Drilon ang resolusyon upang kilalanin ang pagkapanalo ng Senate Defenders sa UNTV Cup noong Lunes.
Lahat ng senador ay naging co-sponsor ng resolusyon at agad naman itong inaprubahan ng plenaryo.
( Nel Maribojoc / UNTV Correspondent )
