Pinagbabaril ng mga hindi pa nakikilalang lalaki si Ronda Vice-Mayor Atty. Jonnah John Ungab sa Cebu City, Lunes, Pebrero 19.
Batay sa inisyal na ulat ng mga otoridad, kagagaling lang ng biktima sa hearing ng kanyang kliyenteng si self-confessed drug lord Kerwin Espinosa nang tambangan ng mga suspek.
Nagtamo ng sugat sa kaliwang bahagi ng kanyang ulo si Ungab at binawian ng buhay ilang oras matapos itong madala sa ospital.
Patuloy na inaalam ng mga otoridad ang motibo sa pananambang at kung may CCTV na nakakuha sa insidente upang makatulong sa pagtukoy sa mga responsable sa pagpaslang sa biktima.
( Gladys Taobi / UNTV Correspondent )
