METRO MANILA – Pinanatili ni Pangulong Rodrigo Duterte sa ilalim Ng Enhanced Community Quarantine (ECQ) ang lungsod ng Cebu mula July 1 – 15, 2020.
Ayon sa punong ehekutibo, naging hotspot na ang lungsod dahil sa katigasan ng ulo ng mga Cebuano.
Sa Talisay aniya, nagmistula ring palengke araw-araw, may mga inuman at sugalan pa.
“Kung ayaw ninyo maniwala, bakit marami? One of the reasons, even without consulting the body, because you did not follow rules, di ganun karami yan, you have the highest, cebu is now the new hostpot for covid-19, bakit? Marami sa inyo, di sumunod ” ani Pangulong Rodrigo Duterte.
Ikinalungkot ng punong ehekutibo ang nangyayari sa Cebu City at dapat aniyang mag-improve ang sitwasyon duon sa tulong ni Environment Secretary Roy Cimatu.
Samantala, ang Metro Manila naman, mga kalapit na lalawigan tulad ng Cavite, Rizal, gayundin ang Benguet, Lapu-Lapu City, Mandaue City, Leyte, Ormoc, Southern Leyte, Talisay City, Minglanilla at Consolacion municipalities sa Cebu province ay sasailalim sa General Community Quarantine (GCQ).
Kinilala rin ng punong ehekutibo ang pagsunod sa quarantine protocols ng karamihang mamamayan sa NCR at mga kalapit lalawigan nito.
“You know manila and tis environs, maraming tao but because sumunod nila, with few violations thereabout, we here in manila have a good chance of at least avoiding it.” ani Pangulong Rodrigo Duterte.
Nirerekomenda naman ni Finance Secretary Carlos Dominguez na maluwagan pa sa malapit na hinaharap ang quarantine measures sa Metro Manila at Calabarzon para makabawi ang ekonomiya ng bansa.
Ang karamihang lugar naman sa bansa na mga moderate at low risk sa COVID-19 , mananatili sa Modified General Community Quarantine (MGCQ) kung saan ipatutupad pa rin sa kanila ang estriktong localized community quarantine, minimum health standards, paiigtingin ang health system capacity at isolation facilities.
(Rosalie Coz | UNTV News)
Pinirmahan na ni Cebu City Mayor Michael Rama ang isang Executive Order kung saan sasailalim sa trial period ang voluntary face mask policy sa lungsod. Base sa EO, iiral ang trial simula September 1 hanggang sa December 31, 2022. Pero awtomatiko itong ili-lift kapag magdudulot ng Covid-19 surge sa syudad.
Ayon sa Department of Health, hindi sila nakonsulta sa bagong polisiya ng lungsod.
Sinabi ni DOH officer-in-charge Undersecretary Maria Rosario Vergerie, na pag-uusapan na nila at ng IATF ang magiging rekomendasyon kay Pangulong Ferdinand Marcos Jr. ukol sa face mask policy.
“We are not aware of this proposal. Lahat po ito ay pag-uusapan mamaya. May IATF po kami. We have convened the IATF. Remember, IATF is recommendatory to the office of the President. We will be discussing all of these issues later on and we will be informing the public once the office of the President has decided already,” pahayag ni Usec. Maria Rosario Vergeire, OIC, DOH.
Una ng sinabi ng Malakayang na ikokonsidera ng Pangulo ang magiging opinyon ng DOH, Department of the Interior and local Government at iba pang mga sektor sa magiging desisyon sa face mask policy.
(Lalaine Moreno | UNTV News)
Tags: Cebu City, DOH, face mask policy, IATF, Maria Rosario Vergeire
METRO MANILA – Pumalo na sa higit 3, 500 ang bilang ng kaso sa Cebu City, pinakamataas sa lahat ng highly urbanized cities sa bansa.
Itinuturing na ngayon ng National Task Force kontra COVID-19 ang siyudad na bagong epicenter ng infectious disease.
Pinakamataas ang kaso ng active cases sa lungsod, gayundin ang bilang ng critical at severe COVID-19 cases doon.
Aminado ang gobyerno, nakakabahala ang sitwasyon sa Cebu City.
“Ang pinaka-main focal point po ngayon natin is really Cebu considering the parameters and thresholds of new cases is really even surpassing the whole NCR, and then the case of death mataas din po, ang tinatawag na recoveries, malakas rin po pero yung kanilang level 3 hospital, are very limited” ani National Task Force Against COVID-19 Chief Implementer, Sec. Carlito Galvez
Dagdag pa ni Secretary Galvez, hindi naging maayos ang pagpapatupad noong una ng Enhanced Community Quarantine sa Cebu City.
Sa ngayon, kinakailangang maipagtuloy ang ginagawang maigting na quarantine measures sa lungsod upang bumuti ang sitwasyon doon.
Ito ay sa pamamagitan ng pagtutulugan ng national at local government, Armed Forces of the Philippines (AFP) at Philippine National Police (PNP).
19 na barangay sa Cebu City ang isinailalim na sa estriktong coronavirus lockdown.
“Nakikita naming, kailangan pa ng stringent restrictions kasi nafind out namin, nung nag-ECQ sila hindi ito properly implemented that’s why general ano prompted to deploy more forces din in Cebu City. ” ani National Task Force Against COVID-19 Chief Implementer, Sec. Carlito Galvez.
(Rosalie Coz | UNTV News)
Limang taon na ang nagdaan matapos manalasa ang Bagyong Yolanda sa Visayas Region sa bansa partikular na sa Tacloban City. Tinatayang aabot sa mahigit anim na libong indibidwal ang nasawi at marami ang nawalan ng tirahan.
Bilang pagbalik tanaw, isang buwang long photo exhibit ang binuksan kahapon sa Cebu City na may temang YolandaRetold: A Demi-Decade in Danger Zone.
Tampok dito ang mga larawang kuha mismo ng ilang Yolanda displaced survivors sa Tacloban City na nagpapakita ng kanilang mga istorya, paghihirap at mga mithiin makalipas ang limang taon.
Kasama sa exhibit ang mga larawang kuha ng labing walong taong gulang na si John Rey Dela Rosa.
Ang pamilya ni John ay kabilang sa mga residenteng naninirahan sa Barangay 68, Anibong District sa Tacloban City na idineklarang tsunami hazard zone.
Layunin ng exhibit na ito na maiparating sa mga tao at pamahalaan ang kalagayan ng mga Yolanda survivor na nananatiling hirap at wala pa ring permanenteng tirahan.
Sa tala ng National Housing Authority (NHA), mula sa target nitong mahigit dalawang daang libong units, nasa 92,080 units pa ang nakukumpleto at aabot sa 59,420 units pa lamang ang natutuluyan.
( Gladys Toabi / UNTV Correspondent )
Tags: Cebu City, photo exhibit, Yolanda survivors
