Tuluyan nang inalis ng national Disaster Risk Reduction and Management Council (NDRRMC) ang mga quarantine facilities sa mga paaralan. Ito ay kaugnay narin ng mandato ng Department of Education na wala nang gagamiting isolation facilities sa mga paaralan bago ang pagsisimula ng pasukan. Aalisin na rin ang mga evacuation center sa mga paaralan upang hindi maabala ang pag-aaral ng mga estudyante.
“Bilang pagtulong din po dahil sa plano ng pamahalaan na hindi na po gamitin ang mga eskwelahan bilang evacuation center. Para hindi mapatid po ang pag-aaral ng mga estudyante pag ganito pong may natural hazzard. Nagpatayo po ang ating pamahalaan ng higit sa 100 na mga evacuation centers sa iba’t ibang rehiyon dito sa ating bansa. Patuloy rin ang pagtulong ng NDRRMC sa Department of Health upang mapalakas pa ang pagbabakuna sa mga mag-aaral at guro,” ani Mark Timbal
OIC, Public Affairs Office, NDRRMC.
Pero sa kabila nito, iniulat ng DEPED na bagama’t patuloy ang kanilang kampanya kontra Covid-19 at paghikayat sa mga magulang, estudyante at guro na magpabakuna na walang magiging diskriminasyon sa mga hindi pa bakunado. Sa katunayan, pahihintulutan na ngayon ng DEPED ang mga guro na makapag-turo ng pisikal sa eskwelahan kahit hindi bakunado.
“Sa bago nating polisiya papayagan na silang mag-report at magturo na rin provided na kailangan lang na they will still follow the minimum public health protocol like wearing of face mask at yung kanilang silid aralan na pagtuturuan ay dapat maayos yung ventilation,” pahayag ni USEC. Revsee Escobedo, Undersecretary for Governance and Field Operations.
Sa tala ng DEPED, 37,000 na mga guro ang hindi pa bakunado kontra Covid-19, 20,000 dito ay nagpahayag na ng kahandaang magpabakuna habang patuloy pang kinukumbinsi ng kagawaran ang nasa 17,000 teachers na magpabakuna na.
(Janice Ingente | UNTV News)
Tags: DepEd, i Mark Timbal, NDRRMC
METRO MANILA – Muling pinag-iingat ng Department of Education (DepEd) ang publiko laban sa kumakalat na pekeng post tungkol sa umano’y cash assistance na ibibigay sa mga graduating student.
Sa isang mensahe nilinaw ni DepEd Undersecretary Michael Poa, na walang ganitong programa ang ahensya at pinayuhan ang mga magulang at estudyante na huwag magbibigay ng anomang personal na impormasyon sa mga ganitong klase ng post.
Nakasaad sa fake advisory na makatatanggap umano ng P8, 000 na cash aid ang mga graduating student mula elementary hanggang college level.
Ayon sa DepEd hindi dapat paniwalaan ang naturang post, at pinaalalalahanan ang mga magulang na mag-ingat upang hindi makompromiso ang kaligtasan at kapakanan ng kanilang mga anak.
Tags: DepEd, Fake Cash Assistance
METRO MANILA – Hinimok ng Department of Education (DepEd) ang mga pampublikong paaralan sa bansa na isagawa ang kanilang end-of-school-year (EOSY) rites sa loob ng mga gusali o indoors.
Ayon sa kagawaran, nakatakdang ganapin ang mga EOSY rites mula Mayo 29 hanggang 31 ngayong taon, at itinakda na gawin ito sa loob ng mga gusali o sa mga lugar na may sapat na bentilasyon at malayo sa sikat ng araw.
Pinapaiwas din ng DepEd ang mga paaralan nai-iskedyul ang kanilang EOSY rites sa oras ng araw kung saan ang temperatura ay nasa pinakamataas na lebel.
METRO MANILA – Iminungkahi ng Department of Education (DepEd) kay Pangulong Ferdinand Marcos Junior ang pagtatapos ng school year 2024 to 2025 sa buwan ng Marso sa susunod na taon.
Ito ay upang maibalik sa April to May ang bakasyon sa eskwelahan.
Ayon kay DepEd Assistant Secretary Francis Brigas, nagsumite na ang kagawaran ng liham sa Office of the President patungkol sa end of school year.
Nakiusap naman si Bringas sa komite na bigyan ng panahon ang pangulo na mapag-aralan ang isinumiteng sulat ng kagawaran.
Sa oras na italaga ang pagtatapos ng school year 2024-2025 sa March 2025, magiging 165 days na lamang ang school calendar.
Tags: DepEd
