Ipatutupad na simula sa ika-15 ng Hulyo ng Metro Manila Development Authority (MMDA) ang paglilimita ng mga provincial bus sa kahabaan ng EDSA. Bawal na ang mga ito tuwing rush hour sa Edsa mula Cubao hanggang Pasay City.
Sa pagtaya ng MMDA, aabot sa dalawang libong bus ang mawawala sa Edsa kapag naipatupad ang bagong batas trapiko.
Kaugnay nito, exempted na sa number coding scheme ang lahat ng mga provincial bus. Subalit tutol dito ang Provincial Bus Operators Association of the Philippines (PBOAP).
Ayon kay Alex Yague, ang executive director ng samahan, lubhang magiging pahirap para sa mga pasahero ang planong ito ng MMDA.
Para sa kanila, mas makabubuti na pairalin pa rin ang kasalukuyang sistema kung saan nasa 1,600 na provincial bus ang hindi bumibiyahe kada araw dahil sa number coding scheme.
Payo ng MMDA sa mga bus operator, planuhin ng mabuti ang oras ng kanilang mga biyahe upang makasunod sa bagong traffic scheme. Pero ayon sa mga operator, magiging kumplikado rin ito sa mga pasaherong sasakay pa ng ibang uri ng transportasyon.
Layon ng bagong traffic scheme na bigyang-daan ang mga gagawing flood control projects, pagsasaayos ng Buendia bridge, at ang kontruksyon ng elevated guideway ng MRT-7 sa iba’t-ibang bahagi ng EDSA.
Ngayong araw isusumite ng provicial bus operators ang kanilang position paper sa MMDA.
Habang isang dry run naman ang planong isagawa ng MMDA sa susunod na linggo upang makita ang inisyal na magiging epekto sa trapiko ng bagong polisiya.
( Joan Nano / UNTV Correspondent )
Tags: bus operators, EDSA, MMDA
METRO MANILA – May dagdag na 1 Linggong pataan ang Metropolitan Manila Development Authority (MMDA) sa mga E-bike at E-trike na dadaan sa national roads.
Ayon sa MMDA, sa susunod na Lunes, May 27 na nila sisimulan ang panghuhuli, paniniket, at pag-iimpound ng mga E-bike at E-trike.
Ipinaliwanag ni MMDA Acting Chairman Atty. Romando Don Artes napagdesisyunan ng ahensya na magsagawa pa ng 1 Linggong information drive.
Noong April 18 nang ipinag-utos ni Pangulong Ferdinand Marcos Jr. na bigyan pa ng 1 buwan na grace period ang mga E-bike at E-trike user dahil sa kakulangan ng awareness at daing na masyadong mataas ang multa na aabot sa P2,500.
Ayon sa MMDA, nabawasan na ang mga E-bike at E-trike users na nagtatangkang dumaan sa national roads sa loob ng nakalipas na 1 buwan na grace period.
Sa oras na maniket ang MMDA, 1,000 ang magiging multa sa mga E-bike at E-trike users kung meron silang dalang driver’s license habang 2,500 naman kung walang lisensya at ma-iimpound pa ang kanilang sasakyan
Tags: MMDA
METRO MANILA – Pinag-aaralan ngayon ng Metropolitan Manila Development Authority (MMDA) ang
pag-alis ng bicycle lane sa Edsa.
Plano ng ahensiya na palitan na lamang ito ng motorcycle lane.Ayon kay MMDA Acting Chairman Atty. Romando Artes, ito ay dahil aabot lang naman sa 1,500 ang mga bisikletang dumaraan sa Edsa kada araw habang nasa 117,000 na motorsiklo ang gumagamit ng lansangan bawat araw.Sa ngayon ay wala pa naman aniyang deadline para sa pag-aaral ng MMDA at Department of Transportation (DOTr) para sa
motorcycle lane sa Edsa maging sa pag aalis ng bicycle lane.
METRO MANILA – Nagbigay ng grace period ang Metropolitan Manila Development Authority (MMDA) sa pagbabawal sa mga E-bike at E-trike na dumaan sa national road.
Ayon sa ahensya, sa May 18 na lang istriktong ipatutupad ang panghuhuli sa mga nasabing e-vehicles pero babala nito hindi ibig sabihin ay pwede nang magsamantala ang mga E-bike at E-trike na dumaan sa national roads sa loob ng itinakdang grace period.
Pinag-aaralan naman ngayon ng ahensya na maibalik sa mga may-ari ang na-impound na mga E-bike at E-trike nang hindi na magbabayad ng multa.
