Protesters clashed with thousands of police at a South Korean Village on Thursday as components of a controversial system to guard against North Korean missiles were deployed.
More than 30 people were injured when around 8,000 South Korean police broke-up a blockade of about 300 villagers and civic groups opposed to the THAAD system deployment, fire officials said.
The decision to deploy the THAAD system has drawn strong objections from China, which believes its radar could be used to look deeply into its territory and will upset the regional security balance.
Tags: North Korean, police, South Korean
METRO MANILA, Philippines – Sa kabila ng mahigpit na paalala ng pambansang pulisya na bawal ang magpaputok ng baril, nakapagtala pa rin ang PNP ng 26 na insidente ng indiscriminate firing simula December 16, 2018 hanggang alas-6 ng umaga ng January 1, 2019.
Base sa record ng PNP National Operations Center, sa naturang bilang, 23 lamang ang naaresto na kinabibilangan ng pitong pulis, sampung civilian, dalawang government official, isang sundalo, dalawang security guard at isang miyembro ng ibang law enforcement agency.
Ayon kay PNP Chief PDG Oscar Albayalde, mahaharap sa kaso ang pitong pulis na nagpaputok ng baril lalo na kung mapatutunayang walang kinalaman sa trabaho ang ginawa ng mga ito.
“Dismissable from the service ‘yan kung wala namang sapat na dahilan kung bakit nila pinutok yung kaninang baril…Sinabi naman natin sa kanila ‘yan, we warned them repeatedly na do not engage in indiscriminate o illegal discharge of firearms,” ani PNP PDG Albayalde.
Sa kabila nito, sinabi ni Chief PNP na maituturing pa ring payapa ang naging pagdiriwang ng pagpapalit ng taon sa bansa.
“Sa kalahatan, basically naging peaceful at there’s a drastic improvement lalo na sa injuries due to firecrackers last night. Meron lang tayong walo as of this time na nasugatan dahil sa firecrackers at zero incident tayo sa stray bullet incident,” pahayag ng pinuno ng pambansang pulisya.
Aniya, natututo na ang mga Pinoy sa pinsalang maidudulot ng firecrackers at maging ang pagpapaputok ng baril.
(Lea Ylagan/ UNTV News)
Tags: bagong taon, indiscriminate firing, police
CALOOCAN, Philippines – Isinugod agad sa ospital ang 7 lalaki kabilang ang isang menor de edad matapos ang umano’y pamamaril ng isang aktibong pulis sa Barangay 28, Bagong Barrio, Caloocan City noong Lunes ng kagabi.
Kusa namang sumuko ang suspek na si PO1 Danilo Tiempo, isang police rider na nakatalaga sa Navotas Police Station simula pa noong 2011.
Sa inisyal na impormasyon ng mga awtoridad, nagkaroon ng komosyon sa lugar malapit sa bahay ng suspek na sangkot ang kapatid nito na si Roland Tiempo. Nang humingi ng tulong ang kapatid nito ay humantong sa pagpapaputok ng baril ng suspek.
Nagtamo ng minor injuries ang lima sa mga biktima na agad ding nakalabas ng ospital habang under observation pa ang dalawa sa mga ito kabilang ang isang menor de edad dahil sa tama ng bala sa braso at likod.
Na-recover ng mga pulis ang tig-isang basyo ng 9mm at kalibre .45 na baril. Aminado naman ang suspek na pagmamay-ari nito ang mga baril ngunit itinangging may kinalaman ang kapatid niya sa insidente.
Self-defense umano ang kaniyang ginawa dahil sa pagsugod ng grupo sa kanilang bahay.
Ani PO1 Tiempo, “Sinugod po nila ‘yung father ko, grupo po sila, ‘yung mga adik po sa amin. ‘Yung father ko po tumakbo sa bahay. Nakita ko ‘yung father ko duguan, nag-react na po ako. Kaya gusto ko lumabas sa bahay. ‘Yung pagpunta ko po doon, nakita ko po ‘yung mga grupo. Susugurin po ako kaya kailangan ko rin po protektahan ‘yung sarili ko. Pinutukan ko sila sa baba para hindi po nila ako masugod.”
Nasa kustodiya na ng Northern Police District si PO1 Tiempo habang patuloy pang iniimbestigahan ng mga otoridad ang insidente.
(Asher Cadapan Jr. | UNTV News)
Tags: Caloocan city, po1 danilo tiempo, police, police caloocan
METRO MANILA, Philippines – Makikita tuwing Miyerkules at Biyernes ang mobile library ng mga pulis na gumagala sa kahabaan ng Roxas Boulevard. Iniipon ang mga batang kalye, hindi upang hulihin at dalhin sa DSWD kundi para turuan ng mabuting asal, mga aralin at maging ng personal hygiene.
Kabilang pa sa itinuturo ng mga pulis ay ang pagkakaroon ng takot sa Diyos, pagmamahal sa bayan, pagsunod sa batas at interes sa edukasyon gamit ang mga librong donasyon sa Manila Police District. Mayroon din silang video at ilang visual aids upang higit na maging interesado ang mga bata sa aralin. Laking pasalamat naman ng magulang ng ilang bata sa ginagawa ng mga pulis para matuto ng tamang asal ang kanilang mga anak.
Ayon sa opisyal na nag-umpisa ng mobile library, na si District Mobile Force Battalion Chief PSupt. Rex Arvin Malimban, kauumpisa pa lamang nila noong ika-24 ng Oktubre at nais nya sanang maging bahagi na ng programa ng PNP ang pagtuturo sa mga batang kalye.
Aniya, layon nito na hubugin ang disiplina ng mga kabataan upang hindi maging sakit ng lipunan.
“Nag-ugat po ito don sa mga issue ng mga kabataan na nagba-viral, umaakyat sa jeep para mang-snatch. ‘Pag nakukuha natin ang mga kabataan, majority are minors so siyempre isinu-surrender natin yan sa DSWD.,,Ibabalik sa pamilya nila o sa barangay nila, so, paulit-ulit lang ang process. Nag-isip kami ng paraan kung paano kami makaka-interact sa kanila,” ani Chief PSupt. Malimban.
Pabor naman ang pamunuan ng pnp na gawin sa buong bansa ang pagtuturo ng mga pulis.
“That’s one good practice para makatulong sa mga batang nasa streets lang at wala silang kakayahan o their parents na papuntahin sa mga school. At least para makatulong man lang tayo sa mga kabataan, kung pwede natin magawa ‘yan sa Mindanao ay gagawin natin,“ pahayag ni PNP Chief Director General Oscar Albayalde.
Ayon sa mga pulis na nagtuturo, maraming pangarap din ang mga bata lansangan. Ang kailangan lang ay ang tamang gabay at tulong ng mga nakatatanda upang hindi maligaw ng landas at maging problema ng lipunan.
Tags: Manila Police District, mobile library, PNP, police, Roxas boulevard
