Bilang alternatibo sa total ban sa gaming activities ng Philippine Charity Sweepstakes Office (PCSO), mas mabuti aniya na isapribado na lamang ang PCSO. Sa ganitong paraan aniya ay maiiwasan at matitigil na ang korapsyon Ayon kay Senator Sherwin Gatchalian.
Paliwanag ng Senador, kung ito ay maisasapribado, maiiwasan na ang pakikialaman ng ilang public officials na pinagmumulan minsan ng korapsyon.
Direkta na rin aniyang ibibigay ang perang kinikita sa Department of Social Welfare and Development na itutulong naman sa mga mahihirap, lalo na sa mga may pangangailangang medikal.
Ayon kay Gatchalian, maaaring sa pamamagitan ng isang batas gawin ang privatization o sa mismong direktang kautusan ni Pangulong Rodrigo Duterte.
Sa tanong naman kung kailangang i-exempt o hayaan na lamang ang lotto na magoperate. Ayon kay Senator Panfilo Lacson, kung ang intensyon ng pamahalaan na ipatigil ang lahat ng sugal, dapat isama ang lahat ng uri ng sugal kasama na ang mga regulated games ng PAGCOR tulad ng mga Casino. Ngunit kung hindi naman ganito ang layon, dapat i-exempt ang lotto.
Naniniwala naman si Senate President Vicente Sotto III, na sa oras na masugpo ang korapsyon sa PCSO ay maaari naman muling maibalik ang operasyon ng mga gaming activities na may prangkisa.
(Nel Maribojoc)
Tags: Philippine Charity Sweepstakes Office, Privatization ng PCSO
Nanindigan ang Malacañang sa naging desisyon ni Pangulong Rodrigo Duterte nang agarang ipahinto ang gaming at gambling operations ng Philippine Charity Sweepstakes Office (PCSO) kabilang na ang lotto.
Biyernes ng gabi nang ianunsyo ito ng Punong Ehekutibo subalit kagabi, binawi na ang suspensyon sa lotto dahil wala umanong nakitang bahid ng katiwalian matapos imbestigahan.
Kahit milyong-milyong kita ang nawala sa PCSO dahil sa pagpapatigil ng lotto operations gayundin nawalan ng kita ang ang mga lotto operator at empleyado, wala namang nakikitang dahilan ang palasyo para humingi ng paumanhin sa nangyari.
“The work of the President is heavy enough that they should understand that it is his duty to do that, to erase any and all doubts on the regularity of these operations (so no need to apologize?) Certainly none,” ani Sec. Salvador Panelo, Presidential Spokesperson & Chief Presidential Legal Counsel.
(Rosalie Coz | UNTV News)
Tags: Lotto, Pang. Duterte, PCSO, Philippine Charity Sweepstakes Office
Tinutulan ng kampo ng prosekusyon ang hiling ni dating Presidente at ngayo’y Pampanga Rep. Gloria Macapagal Arroyo na masailalim sa House Arrest sa kanyang bahay sa La Vista subdivision sa Quezon City, o sa isa pa niyang bahay sa Lubao,Pampanga.
Ayon sa prosekusyon, walang merito ang hiling ni Arroyo at maituturing itong insulto sa Judicial system ng bansa.
Walang rin aniyang batas na nagpapahintulot sa isang akusado na masailalim sa house arrest lalo na’t ilang beses nang hindi pinagbigyan ng korte ang kanyang bail petition at demurrer to evidence.
Ayon pa sa prosekusyon, kung totoo ang paliwanag ni Arroyo na mas lumalala pa ang kanyang kundisyon ngayon, mas maigi na manatili ito sa isang medical facility kaysa sa isang bahay.
Hindi rin maaaring ihalintulad ni Arroyo ang kanyang sitwasyon kay Manila Mayor Joseph Estrada na sa Tanay Rizal na house arrest dahil hindi naman kinailangan nito ang close medical supervision.
At bagaman sa private property nanatili si Estrada, katabi naman nito ang PNP Camp Capinpin kaya’t naging madali ang pagbabantay dito.
Sa ngayon ay naka-hospital arrest pa sa Veterans Memorial Medical Center si Congresswoman Arroyo dahil sa kasong plunder dahil sa umano’y maanomalyang paggamit ng intelligence fund ng Philippine Charity Sweepstakes Office noong Presidente pa ito ng bansa. (Joyce Balancio /UNTV News )
Tags: Manila Mayor Joseph Estrada, Pampanga Rep. Gloria Macapagal Arroyo, Philippine Charity Sweepstakes Office, Veterans Memorial Medical Center
