Inihayag ng grupo ng mga panadero na malabo pa silang magbaba ng presyo ng tinapay taliwas sa naunang sinabi ng Department of Trade and Industry (DTI).
Paliwanag ng Filipino-Chinese Bakers Association, mahal pa ang presyo ng kanilang kinukuhang harina na umaabot sa P850.00 kada sako at mababa ang demand ngayon ng tinapay.
Ngayong panahon ng tag-init, may mangyayari rin anyang taas-presyo sa ilang sangkap ng tinapay tulad ng asukal.
Tiniyak naman grupo na magbaba sila ng presyo ng pandesal oras na bumaba ang presyo ng mga pangunahing sangkap sa paggawa nito.
Tags: bakers, DTI, pandesal, price hike
METRO MANILA – Inanunsyo ng Manila Electric Company (MERALCO) na magpapatupad ito ng dagdag-singil sa kuryente ngayong Hunyo.
Inaasahang magkakaroon ng increase na P0.64 kada kilowatt-hour ang muling sa kabuuang power rate ng Meralco.
Ayon sa Meralco, bunsod ito ng pagtaas ng generation charge ngayong buwan, pagbaba ng halaga ng P1 kontra dolyar, at iba pang mga adjustment.
Kabilang na rito ang utay-utaying dagdag-singil sa generation cost sa mga nagdaang buwan bunsod ng manipis na supply ng kuryente sa Luzon grid kasabay ng mataas na pangangailangan dahil sa mainit na panahon.
Tags: Meralco, price hike
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
