Sa ika-anim na sunod na linggo ay muli na namang bababa ang presyo ng mga produktong petrolyo.
Subalit hindi gaya nang nakaraang linggo na umabot ng mahigit dalawang piso, mahigit piso lamang ang bawas-presyo ng mga oil company.
Ayon sa mga industry player, magkakaroon ng piso at trenta sentimos hanggang kwarenta sentimos na bawas sa presyo ng gasolina, piso at sampung sentimo hanggang kinse sentimo sa diesel at halos piso naman sa kerosene.
Nauna nang nag-anunsyo ng rollback ang ilang oil companies na epektibo ngayong Lunes at Martes, alas sais ng umaga.
Kabilang dito ang Unioil, Seaoil, Petro Gazz at Jetti na magbabawas ng P1.30 per liter sa gasoline at P1.10 per liter sa diesel.
Ang Shell, Caltex at PTT Philippines naman ay P1.25 per liter ang bawas sa gasoline at P1.10 per liter sa diesel.
Ayon sa Department of Energy (DOE), kahit papano ay nagiging maganda ang kalakaran ng langis sa pandaigdigang pamilihan.
Mataas rin ang imbentaryo ng crude oil ng Estados Unidos kung kaya’t walang kakulangan sa supply.
Umaasa ang DOE na magtutuloy-tuloy na ito hanggang sa katapusan ng taon bagaman maituturing na uncontrolable ang presyo ng produktong petrolyo sa world market.
Ayon kay Oil Industry Management Bureau Assistant Director Del Romeo, hindi basta papayag ang mga oil producing countries na sumadsad ng husto ang presyo dahil maaari itong makaapekto sa kanilang ekonomiya.
Samantala, sisimulan ng dinggin ng Land Transportation Franchising and Regulatory Board (LTFRB) ang petisyon ng United Filipino Consumer and Commuters na ibalik sa walong piso ang minimum fare sa jeep.
Ito ay dahil sa patuloy na pagbaba ng presyo ng produktong petrolyo.
( Mon Jocson / UNTV Correspondent )
Tags: oil company, produktong petrolyo, rollback
METRO MANILA – Panibagong rollback sa presyo ng langis ang posibleng aasahan sa susunod na Linggo.
Sa inisyal na pagtaya ng ilang oil industry players, maaaring bumaba ng nasa P0.80 hanggang P1.20 ang presyo ng kada litro ng diesel.
Habang nasa P1.90 hanggang mahigit P2 naman ang posibleng maging rollback sa gasolina.
Samantala P0.85 hanggang P1.25 naman na bawas ang inaasahan sa kerosene.
Sa Lunes (May 13) iaanunsyo ng mga kumpanya ng langis ang final price adjustment na ipatutupad naman sa araw ng Martes, May 14.
METRO MANILA – Posibleng may ipatupad na panibagong bawas o rollback sa presyo ng mga produktong petrolyo ang mga kumpanya ng langis bukas araw ng Martes, January 2.
Sa inisyal na pagtaya ng mga oil company, maaaring bumaba ng P0.30 hanggang P0.60 ang presyo ng kada litro ng Diesel.
Habang posible namang walang galaw o mabawasan ng P0.25 ang kada litro ang presyo ng gasolina.
Sa Kerosene naman ay inaasahan na magkakaroon ng rollback na umaabot ng P1.10 hanggang P1.30 sa kada litro nito.
Ngayong araw (January 1), posibleng ianunsyo ng mga kumpanya ng langis ang final price adjustment na ipatutupad bukas.
Ayon kay Department of Energy Oil Industry Management Bureau Assistant Director Rodela Romero, ang pagbaba ng presyo ay bunsod ng pagkapawi ng shipping disruptions sa red sea.
Epektibo na nitong June 1 ang bigtime rollback sa Liquefied Petroleum Gas (LPG).
Sa abiso ng Petron, P6.20 ang bawas presyo sa kada kilo ng LPG. Katumbas ito ng P68.20 kada isang 11-kilogram na tangke.
P6.10 naman ang bawas presyo sa kada kilo ng LPG ng Phoenix. Katumbas ito ng P67.10 kada tangke.
Ang Caltex, may P6.18 naman na bawas presyo sa kanilang solane, na katumbas ng P67.98 kada tangke.
Mayroon ding P3.47 kada litro na rollback sa auto LPG ang Phoenix at Petron.
