Presyo ng mga produktong petrolyo, muling tataas ngayong linggo

by Admin | February 26, 2018 (Monday) | 5769

Matapos ang dalawang linggong rollback, magtataas naman muli ngayong linggo ang presyo ng mga produktong petrolyo.

Sa pagtaya ng oil industry players, tataas ng 80-90 centavos per liter ang presyo ng diesel.

Ang gasolina naman ay may 55-65 centavos kada litro na dagdag singil at ang kerosene ay P1.00 – P1.10 per liter.

Samantala, nakatakda rin tumaas ang presyo ng liquefied petroleum gas (LPG) sa susunod na buwan.

Tinatayang nasa 60 centavos o mahigit 6 na piso sa 11 kilogram cylinder ang itataas ng LPG simula sa buwan ng Marso.

Ang pagtaas sa presyo ng LPG ay dulot ng paggalaw sa presyo nito sa pandaigdigang merkado.