Dalawa hanggang tatlong libong piso ang planong dagdag-singil ng mga truckers sa kanilang mga kliente.
Ayon sa grupo ng mga truckers, 45% ng kanilang serbisyo ay naka-depende sa presyo ng produktong petrolyo. Kung dati ay sampung libong piso ang delivery charge mula Pier hanggang Bulacan, ngayon ay aabot na ito ng labing tatlong libong piso.
Subalit hindi payag ang asosasyon ng mga supermarket at sinabi na may malaki itong epekto sa presyo ng mga bilihin.
Subalit ayon sa Department of Trade and Industry, limang porsyento lamang ang transport cost sa pagtatakda ng halaga ng mga produkto sa mga pamilihan.
Sa sinomang may sumbong na makakakita ng labis na dagdag-presyo sa ilang produkto, maaari itong isumbong sa DTI Hotline Number 751-3330.
( Mon Jocson / UNTV Correspondent )
Tags: DTI, excise tax, presyo
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
