Nanganganib na mangaunti ang supply ng Galunggong sa mercado sa Metro Manila dahil sa posibleng pagbabawal ng commercial fishing nito sa Palawan.
Ayon sa Department of Agriculture, naabuso ang pangisdaan sa Palawan na siyang dahilan kung bakit nangaunti ang bilang nito sa ngayon.
Mula November 15 hanggang February 15 sa susunod na taon ay bawal muna ang mga malalaking pangisda o commercial fishing sa Palawan.
Sa loob ng 3 buwan ay inaasahang makapangingitlog ng marami at magiging doble ang bilang ng mga Galunggong sa lugar.
Nilinaw naman ng DA na commerial fishing lang ang ipagbabawal at maaari paring manghuli ang mga maliliit na mangingisda.
Ayon sa BFAR nasa 90% ng supply ng galunggong na ibinabagsak sa Navotas fish port ay galing sa Palawan kaya’t ginagawan na nila ng paraan upang hindi gaanong tumaas ang presyo nito sa merkado.
Kapag natapos na ang fishing ban sa Pebrero ay inaasahang mababawas narin maging ang inaangkat na galunggong na ginagamit sa paggawa ng sardinas.
Sa Nepa-Qmart ay stable parin ang presyo ng Galunggong sa halagang P130 kada kilo.(Rey Pelayo/UNTV Correspondent)
Tags: Galunggong, Palawan
METRO MANILA – Inaasahan na bababa na ang presyo ng galunggong sa mga susunod na Linggo matapos i-lift ang 3 buwang closed fishing season sa Palawan.
Paliwanag ng Bureau of Fisheries and Aquatic Resources (BFAR), kinailangan na magpatupad ng closed fishing season para bigyang daan ang muling pagpaparami ng mga isda gaya ng galunggong.
At dahil bukas na muli ang mga fishing ground, inaasahan na darami na ulit ang supply ng galunggong sa mga pamilihan.
Nangangahulugan ito na kapag mas marami na ang supply ay bababa na ang presyo nito.
Dagdag ng BFAR, mayroon silang iba’t ibang programang isinasagawa para mas maging stable pa ang supply ng isda sa mga pamilihan sa bansa.
Kasama dito ang pagpapalawak ng mga marine culture park o mga palaisdaan para sa mas maraming supply isda.
Mayroon ding programa sa mga munisipalidad kung saan binibigyan ng mas malalaking mga bangka ang mga mangingisda para makarami sila ng mahuhuli sa dagat.
Nauna na ring sinabi ng BFAR na may planong mag-angkat ang gobyerno ng nasa 35,000 metric tons ng iba’t ibang klase ng isda dahil sa paghinto ng fishing season.
Tags: BFAR, Galunggong
METRO MANILA – Nakita sa karagatan 12 kilometro ang layo mula sa Coron, Palawan ang nabuong oil slick.
Ayon sa University of the Philippines-Marine Science Institute o UP-MSI, base ito sa kuha ng satellite ng National Oceanic and Atmospheric Administration noong April 2.
May haba anila ang sinasabing oil spil ng 19 na kilometro at lawak na 3 kilometro.
Sa ngayon hindi pa masabi kung ang lumulutang na langis ay mula sa Oriental Mindoro o mula sa iba.
Samantala dinala na kahapon (April 3) ng Shin Nichi Maru ng Japan sa ground zero ang mga bag para subukang takpan ang iba pang tumatagas sa lumubog na MT Princess Empress.
Mula sa 23 leak na unang nakita sa assessment report ng mga crew ng Shin Nichi Maru 11 nalang ito ngayon.
Pero ang 2 sa 11 leak matagupay na natakpan na, gamit ang specialized bag mula United Kingdom.
METRO MANILA – Sinuspinde ng Department of Agriculture (DA) ang paglalabas ng sanitary and phytosanitary import permit para sa mga isdang galunggong, bonito, mackerel, moonfish, pampano at tuna by-products.
Kasama sa mga hindi makakapag angkat ay ang mga industriyal buyer na pinoproseso ang produkto gaya ng mga de lata.
Ayon kay Agriculture Deputy Spokesperson Rex Estoperez, ito ay para maiwasan ang pagbaha ng mga imported na isda sa merkado.
Sapat na aniya ang 25,000 metric tons ng isdang unang pinayagan ng DA na angkatin. Sa ngayon ay sumasailalim sa review ang fisheries administrative order na naglilimita sa destinasyon ng mga imported na isda.
Tags: DA, Galunggong, Imported, isda
