METRO MANILA – Nais ni President-elect Ferdinand Bongbong Marcos Jr. na ire-structure ang Department of Agriculture (DA) at matutukan ang mga problemang kinakaharap ng bansa sa sektor ng agrikultura.
Kaya naman inihayag ng incoming president na pamumunuan muna niya pansamantala ang DA.
‘As in agriculture I think the problem is sever enough I have decided to take the portfolio of secretary of agri for now, atleast we organize the Department of Agri to make it ready for the next years to come, marami kailangang palitan marami tayong ibat ibang opisina na hindi na masyadong hindi nagagamit o kailangan iretool para sa post pandemic” ani President-elect Ferdinand ‘Bongbong’ Marcos Jr.
Ayon pa kay Marcos, kabilang pa sa kaniyang magiging prayoridad ay ang pagpapataas ng produksyon ng palay.
“We will try to increase production as we come to planting period, harvest season after the, during or after the rainy season hopefully we can counteract of increases of, you may have noted that Thailand, Vietnam for example one of the main source of imported rice have decided to ban export at least for now” ani President-elect Ferdinand ‘Bongbong’ Marcos Jr.
Muling nagpulong kahapon ang economic team ng incoming administration.
Sinabi ni Marcos na tinalakay nila ang ilang hakbang upang matugunan ang ilang problema dulot ng Russia-Ukraine conflict at banta ng food crisis.
(Nel Maribojoc | UNTV News)
METRO MANILA – Inaprubahan ni Pangulong Ferdinand Marcos Junior ang panukala ng Department of Social Welfare and Development (DSWD) na nagpapalawak sa saklaw ng Pantawid Pamilyang Pilipino Program (4Ps).
Nakasaad sa panukala, na kasama na sa cash grants ng 4Ps ang mga buntis at nagpapasusuong ina upang matiyak ang kalusugan ng kanilang mga anak sa unang isang lingong araw nito.
Inatasan ng pangulo ang DSWD at NEDA sa pagsasapinal ng numero at kinakailangang adjustment sa pamamahagi ng cash grants.
Ang nasabing adjustment ay magpapataas ng purchasing power ng mga benepisyaryo at makakapagbigay ng insentibo para mapabuti ang kanilang pagsunod sa mga kondisyon ng programa na makakaiwas sa malnutrisyon at stunting.
Tags: Cash Grant, DSWD, PBBM
METRO MANILA – Ganap nang batas ang “Kabalikat sa Pagtuturo Act”. Ito ay matapos lagdaan kahapon (June 3) ni Pangulong Ferdinand Marcos Junior ang naturang batas na layong doblehin ang tinatanggap na techning supplies allowance o chalk allowance ng mga guro.
Mula sa P5,000 ay itataas na ito sa P10,000 kada taon. Sisimulan ang pamamahagi ng dobleng teacher’s allowance sa School Year 2025-2026.
Matagal na ring idinadaing ng mga guro ang kakulangan ng supplies allowance na pambili ng chalk, erasers, forms at iba pang classroom supplies dahilan upang kuhanin na ang pampuno sa gastos sa mismong personal na pera ng mga guro.
Ayon kay Pangulong Marcos responsibilidad ng estado na tulungan ang mga guro na nagsasakripisyo.
Tags: PBBM, Teacher's Allowance
METRO MANILA – Binigyang-diin ni Pangulong Ferdinand Marcos Junior malapit sa aksyon ng giyera at red line nang maituturing kung masasawi ang 1 Pilipino dahil sa anomang insidente o aksyon ng China Coast Guard (CCG) sa West Philippine Sea (WPS).
Ito ang sagot ni pbbm nang tanungin sa isyu sa ginanap na 21st International Institute for Strategic Studies (IISS) Shangrila Dialogue sa Singapore nitong Biyernes (May 31).
Naniniwala ang pangulo na susuportahan ng treaty partners ang Pilipinas sa ganitong tumitinding sitwasyon sa WPS.
Iginiit din ng punong ehekutibo na gagawin ng Pilipinas ang lahat upang protektahan ang soberanya ng bansa kasabay ang commitment sa pagpapanatili ng kapayapaan at pagtugon sa mga isyu sa pamamagitan ng dayalogo at diplomasya.
