Nagsalita na si Pangulong Rodrigo Duterte hinggil sa kontrobersyal na raid ng mga tauhan ng PNP CIDG sa tirahan nina Ozamiz City Mayor Reynaldo Parojinog kung saan napaslang ang Local Chief Executive at 15 na iba pa. Ayon sa pangulo, siya ang may utos nito.
Dagdag pa nito mas gugustuhin niyang makitang mamatay ang mga kriminal kaysa mga tauhan ng pulisya na may mga pamilya rin.
Ayon pa sa pangulo ilang ulit na siyang nagbabala sa mga alkalde na tigilan na ang illegal drugs trade noong una pa man.
Samantala, hindi naman napigilan ng punong ehekutibo na tumugon sa naging pahayag ni dating Pangulong Benigno Aquino III na tila wala umanong nangyari sa kaniyang anti-drug war.
(Mirasol Abogadil / UNTV Correspondent)
