Nagpatawag ng special cabinet meeting si Pangulong Rodrigo Duterte sa presidential guest house sa Panacan, Davao City kahapon.
Kasunod ito ng idineklarang batas militar ng punong ehekutibo sa buong Mindanao matapos sumiklab ang bakbakan sa Marawi City sa pagitan ng pwersa ng pamahalaan at ISIS-Influenced Local Terrorist Groups noong Martes.
Kasama rin sa pagpupulong ang mga top security officials ng bansa na sina Armed Forces of the Philippines Chief of Staff at Martial Law Administrator General Eduardo Año at Philippine National Police Chief Director General Ronald Bato Dela Rosa.
Samantala wala pang detalyeng inilalabas ang Malakanyang hinggil sa mga napag-usapan sa special cabinet meeting.
