Magsasagawa na ng mga pagpupulong ang pulis-Calabarzon kaugnay sa paghahanda sa  nalalapit na barangay at Sangguniang Kabataan election sa darating na Mayo.

Ito’y matapos na makatanggap na ng kopya ang Region 4A police ng resolusyon mula sa Commission on Elections (COMELEC)  para sa guideliness sa halalan. Kabilang dito ang pagsasagawa ng COMELEC checkpoints , gun ban at liquor ban.

Sa April 10 magsisimula ang COMELEC checkpoints at gun ban na tatagal hanggang May 21, habang isang araw bago magsimula ang eleksyon hanggang sa araw  ng halalan naman ipatutupad ang liquor ban.

Nanawagan ang mga opisyal ng PNP Region 4A sa ating mga kababayan na makiisa sa mga ipatutupad na guideliness para sa barangay at SK election.

( Sherwin Culubong / UNTV Correspondent )

Tags: baragay at SK election, COMELEC, PR04A