METRO MANILA – Malaki ang itinaas sa populasyon ng mga senior citizen sa bansa o mga may edad 60 years old pataas.
Sa datos ng Commission on Population and Development (POPCOM), dumoble ang bilang ng mga matatanda sa Pilipinas sa loob ng 20 taon.
Mula 4.5 million noong 2000, umakyat ito sa 9.2 million nitong 2020. Karamihan dito ay mga babae.
Kaakibat ng pagdami ng mga matatanda ang mga problema na kanilang kakaharapin tulad ng pagiging masakitin o disabled lalo na sa mga kababaihan
Payo ng POPCOM, dapat maging aktibo sila at healthy ang lifestyle para tumandang malusog at makaiwas sa malulubhang karamdaman.
Batay sa projection ng POPCOM, pagsapit ng 2035, mas dadami pa ang matatanda sa bansa na hihigit pa sa 10% ng kabuuang populasyon.
Kaya isinusulong naman ng ahensiya ang mga programa para sa kapakanan ng mga matatanda
Ilan dito ay mga community-based rehabilitation, geriatric care at institution para sa mga matatanda.
Ayon pa sa POPCOM, 20% lang o isa sa bawat 5 senior citizen ang nakatatanggap ng pension kada buwan.
Pinag-aaralan na rin ng ahensiya ang pagsusulong sa employment ng mga matatanda o kaya’y taasan ang retirement age sa bansa at paglaanan sila ng part time jobs.
Sa kasalukuhang poverty threshold sa bansa, kailangan may 2 nagtatrabaho sa isang pamilya para masuportahan ang mga pangangailangan ng isang senior citizen.
Hindi naman dapat ikabahala ang patuloy na pagtaas ng bilang ng mga matatanda dahil kasabay sa kanilang pagdami ay ang tumataas na bilang ng mga nasa working age o mga edad na maaari nang makapagtrabaho
(Lalaine Moreno | UNTV News)
Tags: POPCOM, Senior Citizens
METRO MANILA –Inaprubahan ng House of Representatives sa ikalawang pagbasa ang panukalang batas na magbibigay ng Universal Social Pension para sa lahat ng mga senior citizen sa bansa.
Ayon sa sponsor ng batas na si Marikina City 2nd Representative Stella Quimbo, gagawing mandatory ng panukalang batas ang social pension sa lahat ng senior citizens.
Sa kasalukuyan, nakakatanggap na ng P1,000 buwan-buwan ang mga indigent na senior citizen.
Sa ilalim ng panukala, ang mga senior citizens na hindi pa bahagi ng programa ay tatanggap ng P500 kada buwan.
Tags: Senior Citizens, Social Pension
METRO MANILA – Aprubado na ng joint committees ng House of Representatives ang 2 panukalang batas na nagpapalawig sa discounts sa Senior Citizens at Persons with Disabilities (PWD).
Partikular na ang House Bill number 10061 at 10062.
Layon nitong panatilihin ang pagkakaroon ng 20% discounts at exemption sa Value Added Tax (VAT) para sa mga elderly at PWDs kahit available din ang promotional offers ng mga business establishment.
Gayundin ang pagkakaroon nila ng discount sa parking fees, electricity at water consumption, labor expenses at maging sa government training programs.
Tags: Discount, PWDs, Senior Citizens
METRO MANILA – Nagbabala ang Department of Social Welfare and Development (DSWD) sa kumakalat na balitang nagbibigay sila ng P12,000 na ayuda para sa mga senior citizens.
Ayon sa kagawaran walang programa na ipinatutupad ang (DSWD), subalit mayroon maaaring i-avail na assistance ang mga senior citizens mula sa Assistance to Individuals in Crisis Situation (AICS) at social pension for indigent senior citizens.
Nakapaloob ito sa Republic Act 9994 o ang Expanded Senior Citizens act of 2010 na maaaring makatulong sa mga matatanda na matustusan ang kanilang pang araw-araw na pangagailangan.
Bumisita lamang sa mga official social media accounts ng DSWD para sa mga updates at aktibidad ng ahensya.
Tags: DSWD, Senior Citizens
