METRO MANILA – Umabot sa P22.9-B ang kinailangang pondo ng gobyerno upang bigyang-ayuda ang 22.9 Million low income individuals sa Greater Manila Area nang magpatupad muli ng istriktong community quarantine noong Abril dahil sa COVID-19 surge.
Kung muling magpapatupad ng hard lockdown ang pamahalaan sa Metro Manila, aminado ang palasyo, hindi pa tiyak kung saan kukunin ang bilyon-bilyong pisong halaga ng pondo para sa panibagong social amelioration.
“Pag tayo nag-lockdown sa Metro Manila, napakadaming magugutom at siyempre po 60% po ng ating GDP, ay galing sa Metro Manila at yung plus 8 areas so complete closure of the economy, mawawalan ng trabaho and ang katotohanan po, hindi ko po alam kung mayroon tayong pang-ayuda para sa another malawakang lockdown.” ani Presidential Spokesperson Sec. Harry Roque.
Pinapanukala ng mga alkalde sa National Capital Region na isailalim ang rehiyon sa 2 Linggong hard lockdown basta’t may cash assistance na ipagkakaloob sa mga maapektuhan.
Hindi natalakay ang isyung ito nang makipagpulong ang Inter-Agency Task Force kay Pangulong Rodrigo Duterte noong Miyerkules (July 28) ng gabi kung kailan inaprubahan ang panibagong round ng community quarantine sa bansa.
Subalit giit ng palasyo, liban sa regular criteria, ikinukunsidera ng pamahalaan ang iba pang dapat isaalang-alang sa pagpapatupad ng quarantine restrictions.
“Ang desisyon na nakakaapekto sa COVID, hindi lang po sa larangan ng pagkakasakit, kinakailangan tingnan din po natin ang ibang aspeto ng buhay ng ating mga mamamayan, kung ikagugutom po ba nila yan? Kung kaya ba natin silang bigyan ng ayuda para hindi sila magutom” ani Presidential Spokesperson Sec. Harry Roque.
Ayon sa mga ekspertong kinukunsulta ng gobyerno, bagaman may bahagyang pagtaas ng COVID-19 cases sa NCR, nasa low-risk level pa rin ang health care at intensive care utilization rates.
Pagtitiyak pa rin ng Malacanang, nakabantay sa sitwasyon ng COVID-19 ang Duterte administration at kung talagang kinakailangang magpatupad ng istriktong quarantine classification sa NCR, hahanap ng paraan ang gobyerno upang may maipagkaloob ng ayuda sa mga mawawalan ng hanapbuhay.
(Rosalie Coz | UNTV News)
Tags: ayuda, hard lockdown, Palasyo, pondo
METRO MANILA – Maging si Pangulong Rodrigo Duterte, inaming naliliitan siya sa P200 halaga ng dagdag na ayuda para sa mga pinakamahihirap na pamilya sa bansa kada buwan.
Sa gitna ito ng pagtaas ng presyo ng langis at ilang pang pangunahing bilihin.
Kaya, ipinag-utos na ni Pangulong Duterte na taasan ang cash aid sa P500.
“Yung ayuda ninyo na 200 sabi ko rin sa kaniya, it’s too small sa isang buwan kaya, sabi ko maghanap ka ng pera, nagbubulungan kami, masyadong mababa yan. It cannot sustain a family of 3,4,5.” ani President Rodrigo Duterte.
Nagbigay na rin ito ng direktiba kay finance Secretary Carlos Dominguez na gamitin ang lahat ng available na pondo para sa dagdag-ayuda.
Subalit ang pondo namang gagamitin para mai-sustain ito sa loob ng isang taon, ipinauubaya na ng punong ehekutibo sa hahalili sa kaniya sa pwesto.
“So sabi ko kay sonny, it will be uphill battle for the next generation kung gawin nating 500. Sabi ko. Sa kaniya, bahala na ang presidente niyan, saan siya magnakaw.” ani President Rodrigo Duterte.
Partikular na makikinabang sa dagdag na ayuda ang mga benepisyaryo na ng Pantawid Pamilya Pilipino Program (4Ps).
(Rosalie Coz | UNTV News)
Tags: ayuda, Mahihirap na PIlipino
METRO MANILA – Nauunawaan ng Department of the Interior and Local Government (DILG) na maaring mas tumagal ang pamamahagi ng mga ayuda ngayon kasabay ng pagpapatupad ng ECQ sa Metro Manila.
Bukod sa mahigpit na pagpapatupad ng health protocols dahil sa mataas na banta ng mas nakahahawang COVID-19 Delta variant, mahigpit ring ipagbabawal ang mass gathering.
Kaya ngayon pa lang ay humiling na ang mga Metro Manila mayors na payagan silang mag-extend mula sa 15-day deadline sa pamamahagi ng financial aid mula sa social amelioration program ng national government.
“Pumayag naman po si Secretary Eduardo Año at si Secretary Rolly Bautista ng extension upon the request of the Local Government Unit kung ang dahilan ay dahil sa challenges of distributing during the time of pandemya.” ani DILG Spokesperson, Usec Jonathan Malaya.
Ayon kay Social Welfare and Development Secretary Rolando Bautista, ipinaubaya na nila sa mga LGU ang pagpapasya kung paano ipamamahagi ng ligtas ang mga tulong pinansyal.
“The LGU shall determine the most efficient and effective way of release of assistance at sila ay may option na makipag–engage sa financial service providers para maipamahagi ang ayuda sa loob ng 15 calendar days na itinakda ng deadline alinsunod sa jmc.” ani DILG Sec. Rolando Bautista.
Sa ngayon ay Makati City Government pa lang ang nagkumpirma na gagamit ng financial service provider para sa mas mabilis at ligtas na pamamahagi ng ayuda.
Magbubukas naman ng mas maraming distribution sites ang Pasig City upang mas mailapit sa mga residente ang pagkuha ng financial aid.
Habang ang Quezon City Government naman ay planong payagan ang by-batch o scheduled na pamamahagi ng ayuda.
Inatasan naman sa bawat lgu ang mga kawani ng barangay at local police sa pagsisiguro na nasusunod ang mga health and safety protocol sa mga pay out sites.
(Asher Cadapan Jr. | UNTV News)
METRO MANILA – Posibleng matulad ang Pilipinas sa mga katabing bansa nito gaya ng Thailand, Malaysia, Vietnam at Indonesia kapag hindi naipatupad ang 2 Linggong hard lockdown dahil sa banta ng Delta COVID-19 variant.
Kaya iminumungkahi ng Octa Research Team na sa lalong madaling panahon ay maipatupad ito upang maputol ang transmission o hawaan ng mas mabagsik na Delta variant.
“What we’re envisioning is somehing along MECQ,ECQ. They will depend on government and the amount of precaution we need. It was a precautionary recommendation because of an impending, clear and present danger post of Delta.” ani Octa Research Team Fellow, Prof. Ranjit Rye.
Sa pagtaya ng grupo, kapag hindi naagapan, maaaring makapagtala sa NCR ng 1,500 hanggang halos 3,000 COVID-19 cases kada araw sa susunod na 2 Linggo.
Nasa 1.33 na ngayon ang reproduction number sa NCR na halos kapareho noong magkaroon ng surge sa unang bahagi ng 2021.
Pinangangambahan na posibleng umabot sa critical level ang hospital capacity sa NCR kung saan 70% ang magiging okupado sa Ikalawang Linggo ng Agosto. At aabot sa 100% full capacity pagdating sa katapusan ng Agosto.
“We are averaging 1000 cases. Two weeks ago it was just 600 and we thought it IOS decreasing but something is driving the pandemic and pushing the case load higher” ani Octa Research Team Fellow, Prof. Ranjit Rye.
Ayon din sa Octa Research Team, kailangan pa rin matuloy ang COVID-19 vaccination sa bansa kahit pa magpatupad ng hard lockdown.
Kailangan gumawa ng mga hakbang ang mga LGU upang mapabilis ang pagbabakuna kahit malilimitahan ang paglabas ng publiko.
Inirerekomenda rin ng grupo na paikliin ang vaccine interval ng COVID-19 vaccines gaya ng Sinovac at AstraZeneca upang mas dumami ang maging fully vaccinated at maprotektahan laban sa mabagsik na COVID-19 variant.
“Octa is exhorting government to focus on its plan, we believe its plan will work in which the NCR Plus 10, I was told by Sec Galvez some time in August 2 million Moderna vaccine is coming through as donation from the United States”
Samantala, pabor naman si Presidential Adviser for Entrepreneurship Sec Joey Concepcion sa panukalang hard lockdown ng Octa Research Team.
“If the government, DOH Secretary Duque will push two week hard lockdown we will support it because we will prefer to solve the problem early and not wait for the problem to get bigger, then we will have to lockdown for months. That is the most catastrophic thing that could happen in our country if that happens in thr 4th quarter. If it happens now, not in august, we’ve been lock down for 7 days because of these rains” ani Presidential Adviser for Entrepreneurship Sec. Joey Concepcion.
Nauna nang ipinahayag ni Pangulong Duterte sa kaniyang huling SONA na kung kinakailangangan, magpapatupad muli ang pamahalaan ng lockdown dahil sa banta ng Delta variant.
Patuloy ang pakiusap ng mga awtoridad sa publiko na maging responsable, huwag magpakakampante at magpabakuna na kontra COVID-19 .
(Aiko Miguel | UNTV News)
Tags: DElta Variant, hard lockdown, NCR
