Hindi nagbabago ang pananaw ni Pangulong Rodrigo Duterte hinggil sa pagkakapaslang kay Albuera Mayor Rolando Espinosa Senior at muling dinepensahan ang mga tauhan ng pulisya na dawit sa insidente.
Ito ay sa kabila ng inilabas na ulat ng Senate Committee on Public Order and Dangerous Drugs at Justice and Human Rights na may nangyaring pang-aabuso sa kapangyarihan ng mga pulis.
Sinagot din ni Pangulong Duterte ang usapin na nag-micro manage ito sa PNP ng i-reinstate sa pwesto ang isa sa mga dawit na si PSupt. Marvin Marcos.
Tags: Mayor Espinosa, pagkakapaslang, pangulo, PNP personnel
MANILA, Philippines – Tuluyan nang ipagbabawal ni Pangulong Rodrigo Duterte ang paggamit ng paputok sa buong bansa.
Ayon sa Punong Ehekutibo, maglalabas siya ng isang executive order para rito
Ginawa ng pangulo ang pahayag nang pangunahan nito ang turnover ng housing units para sa mga sugatang sundalo at pulis sa San Jose del Monte, Bulacan noong Huwebes ng gabi.
Ayon kay Pangulong Duterte, mapapribado o gobyerno man ay ipagbabawal na ang paggamit ng paputok, “I will issue the executive order at this early, para warning na dun sa lahat that I am banning firecracker all together.”
Pinabulaanan din ng punong ehekutibo ang paniniwala ng iba na nakapagpapalayas ng masamang isipiritu ang mga paputok, “yang firecracker, do not believe na paalisin mo ang devil. Kay sa totoo lang, yung kaharap ninyo nagsasalita ngayon, isang demonyo”
Batay sa pinakahuling tala ng Department of Health, 34 na porsyento ang ibinaba sa bilang ng fireworks-related injuries noong holidays mula December 21, 2018 hanggang January 5, 2019 kumpara noong nakaraang taon
Matatandaan na noong June 20, 2017 nang pirmahan ng Pangulo ang Executive Order 28 na nagkokontrol sa paggamit ng firecracker at iba pang pyrotechnic devices kung saan mga lisensyadong indibidwal na lamang ang maaaring magpaputok at mga community fireworks display na lang din ang pahihintulutan sa pamamagitan ng mga lokal na pamahalaan.
Matagal nang adbokasiya ng UNTV ang paghikayat sa publiko na huwag nang gumamit ng paputok tuwing magpapalit ang taon.
Tags: bawal ang paputok, firecracker ban, fireworks, pangulo, paputok, Rodrigo Duterte, total ban, Total ban sa mga paputok
Nagpulong kahapon sa ikalawang pagkakataon ang consultative committee matapos na maisumite ng mga ito noong Lunes kay Pangulong Rodrigo Duterte ang proposed federal charter.
Dito napagkasunduan ng mga ito ang paglalagay ng karagdagang miyembro sa magiging transition commission sa paglipat ng bansa sa federal form of government.
Mula sa 10 ay magiging labing pito ang miyembro nito at uumpisahan ang pagsasagawa ng kanilang tungkulin matapos maratipikahan sa plebisito ang planong cha-cha.
Ang transition vice president, Senate President, Speaker of the House at lahat ng nabubuhay pa na mga dating Pangulo ay magiging ex-officio members ng transition commission.
Ang transition commission ang may tungkulin na tiyakin na maayos na pagpapalit ng gobyerno.
Sa bersyon ng federal charter na isinumite kay Pangulong Rodrigo Duterte, nakalagay na ang magsisilbing chairman ng transition commission ang kasalukuyang Pangulo at siyang mamumuno sa maitatalagang 10-member team.
Ngunit noong Lunes ay binago ito dahil sa hiling ni Pangulong Rodrigo Duterte na nais na niyang bumaba sa pwesto kapag naaprubahan ang panukalang pederalismo.
Ngunit ayon sa Concom, may karapatan pa ring tumanggi ang mga Pangulo na maging ex-officio member kung nais ng mga ito, kabilang sa mga nabubuhay pang naging Pangulo.
( Mai Bermudez / UNTV Correspondent )
Tags: pangulo, pederalismo, transition commission
Muling nakakuha ng ‘very good’ satisfaction rating si Pangulong Rodrigo Duterte sa first quarter ng kasalukuyang taon.
Batay ito sa pinakabagong survey ng Social Weather Stations o SWS na isinagawa noong March 23 to 27 sa 1,200 na respondents.
Dahil dito, mayroong +56 net satisfaction rating si Pangulong Duterte na may dalawang porsyentong ibinaba kumpara sa nakuhang nitong +58 rating noong December ng nakaraang taon.
Ayon sa SWS, nakakuha ang Pangulo ng pinakamataas na satisfaction rating sa Mindanao na umabot sa +82 net satisfaction mula sa +80 noong Disyembre.
Napanatili naman ang rating ng Pangulo sa mga residente ng Metro Manila na may +54 net satisfaction rating at sa Visayas na may +65 net satisfaction rating.
Bagaman nasisiyahan ang ilang mga Pilipino kay Pangulong Rodrigo Duterte, hinihiling pa rin ng iba ang mas maayos na pamumuno ng Presidente.
(Asher Cadapan, Jr. / UNTV News Correspondent)
