Bumaba na sa pwesto si Philippine National Police Chief Director General Ricardo Marquez matapos ang 11 buwan bilang pinuno ng pambansang pulisya.
Ayon kay Gen. Marquez, excited na syang magpahinga at magbakasyon kasama ang kanyang pamilya matapos ang kanyang 38 taon sa serbisyo.
Aniya masyado syang napagod sa nakalipas na tatlong taon dahil sa paghahanda sa papal visit, apec at election sa bansa.
Sa pagbaba nya sa pwesto ipinagmalaki nito ang mga accomplishment sa kanyang panunungkulan tulad nang pagbaba ng krimen sa bansa ng 81% at pag aresto sa mga pinaghahanap ng batas.
Nadalaw din aniya nya ang pinakamamalayong police stations na aniyay 20 taon nang hindi nakakakita ng Chief PNP kaya’t natitiyak nyang walang ghost enployee sa PNP.
Hindi rin naman nito nakalimutang magpasalamat sa tiwalang ipinagkaloob sa kanya ng pangulo dahil aniyay hindi nya akalain na pipiliin sya upang pamunuan ang pambansang pulisya.
Mula lamang aniya sya sa mahirap at hindi kilalang pamilya na walang maipagmamalaki kundi ang malinis na puso at tapat na paglilingkod.
Tiniyak naman ng heneral na sa June 30 ay maaari nang lipatan ng bagong Chief PNP ang white house na opisyal na tirahan ng pinuno ng pambansang pulisya.
Si Gen. Ricardo Cornejo Marquez ay ang ika-20 pinuno ng pambansang pulisya at miyembro ng Sandigan Class of 1982 ay bumaba sa pwesto dalawang buwan bago ang kanyang retirement date na August 28.
(Lea Ylgan/UNTV Radio)
Tags: Philippine National Police Chief Director General Ricardo Marquez, retirement
METRO MANILA – Ipinasa na sa ikatlo at huling pagbasa sa mababang kapulungan ng kongreso ang panukalang batas para ibaba ang optional retirement age para sa mga government personnel.
Sa botong 268, naipasa ang House Bill No. 206. Layon ng nasabing batas na ibaba ang retirement age mula 60 years old sa 56 years old.
Sa ilalim ng panukalang batas, maaaring makatanggap ng retirement benefit ang mga government worker o GSIS worker kung siya ay nasa edad 56 years old.
Ayon kay House Speaker Martin Romualdez, mabibigyan ang nasa isang milyong government worker na mag-retire ng mas maaga.
Sa ngayon, isusumite na ang naipasang batas sa senado.
Tags: Government Personnel, GSIS, ment, retirement
METRO MANILA – Matapos ianunsyo ang pagreretiro sa pulitika sa 2022, naniniwala si Pangulong Rodrigo Duterte na tama ang kaniyang naging desisyon at oras nang magbigay-daan sa mga susunod na lider ng bansa.
Gayunman, umaasa naman ang pangulong maiipagpapatuloy ang mga repormang nagawa ng kaniyang administrasyon kabilang na ang mga proyektong imprastraktura at paglaban sa katiwalian at iligal na droga.
“It is time to give way to a new set of leaders who hopefully continue the reforms of projects and programs that this administration has pursued for the past few years. It is my hope that the new set of leaders will pursue a platform of gov’t that will build on our gains in the areas of fighting illegal drugs, criminality, corruption, terrorism and insurgency.” ani Pres. Rodrigo Duterte.
Isinulong naman ng punong ehekutibo ang kandidatura ni Senator Bong Go na tatakbong bise presidente sa susunod na taon.
Nanawagan din ang pangulo sa taumbayan na iboto ang ordinaryong mga Pilipino at wag iluklok ang mga tinatawag niyang bright minded.
“Why don’t you get… kasi masyadong, huwag kayo kumuha ng bright, mga brilliant. You know what? Maghanap kayo ng kandidato na ordinaryong pilipino. Bigyan ninyo ng panahon at ipakita niya.” ani Pres. Rodrigo Duterte.
Kaalinsabay nito, nais matiyak na pangulo ang pagkakaroon ng malinis at mapayapang halalan sa bansa.
Nagbabala rin siya sa mga nagpa-planong maghasik ng kaguluhan at pandaraya lalo na sa Mindanao.
“I will not allow fraud, tapos yung mga tigas-tigas lalo na yung mga matagal sa pulitika, political warlords, may mga armas, pagka-ganun ang gawin mo, you terrorized, pati kayong mga npa, wag kayong sumali gusto ko bago ako umalis, makatikim naman ang mga Pilipino ng malinis na eleksyon especially in mindanao. I am appealing to the leaders, both sa lahat ng tribo na wag kayo kasi I said if you do not follow a peaceful path in the elections, papuntahan ko kayo ng army pati police” ani Pres. Rodrigo Duterte.
Samantala, sa ibang balita, may memorandum na si Pangulong Duterte upang pagbawalan ang mga executive department official na dumalo sa senate blue ribbon committee hearing kaugnay ng umano’y procurement ng overpriced pandemic supplies ng Duterte administration.
Giit ng punong ehekutibo, nagkulang ng respeto ang senado sa executive department at binibinbin ang mga opisyal na humaharap sa COVID-19 response ng pamahalaan.
“Mabuting magkaintindihan tayo ngayon: respetuhin ko kayo kung magrespeto kayo sa amin. Pag binastos ninyo ako at ang gabinete ko, and all others in the executive department, magbabastusan tayo nito. You cannot be higher than us nor us higher than you. Sino na kayo?” ani Pres. Rodrigo Duterte.
Iginigiit ng Duterte administration na in aid of election na umano ang ginagawang pagdinig ng senado kaugnay procurement ng pandemic supplies ng pamahalaan noong nakalipas na taon.
(Rosalie Coz | UNTV News)
Tags: Covid-19, retirement
Nagsimula na ang imbestigasyon ng Criminal Investigation and Detection Group o CIDG sa umano’y pagkakasangkot ng ilang pulis sa pagdukot sa dating Iglesia ni Cristo Minister Lowell Menorca II
Ito ay matapos na ipag-utos ito ni Philippine National Police Chief Director General Ricardo Marquez noong lunes.
Gayunman, hinikayat ni P/CSupt. Wilben Mayor si Menorca na pormal na maghain ng reklamo upang magkaroon ng linaw ang isyu at makilala ang mga pulis na umano’y sangkotsa insidente dahil nakakaladkad na ang pangalan ng buong organisasyon.
Ayon kay Mayor, bagamat may moto propio investigation ang PNP sa paghahain ng administrative case laban sa mga pulis na isinasangkot ni Lowell Menorca sa umano’y pagdukot sa kanya, limitado ang kanilang impormasyon upangmapatibay ang kaso hanggat hindi naghahain ng pormal na reklamo si Menorca.
Pinaalalahanan din ng tagapagsalita ng PNP ang mga pulis na miyembro ng INC na ihiwalay ang sariling paniniwala at relihiyon sa pagtupad sa sinumpaang tungkulin . ( Lea Ylagan / UNTV News )
Tags: Lowell Menorca II, P/CSupt. Wilben Mayor, Philippine National Police Chief Director General Ricardo Marquez
