Hindi pa rin sang ayon si Pangulong Benigno Aquino III sa panukalang naglalayong bawasan ang income tax sa bansa.

Ito ang tugon ng pangulo matapos manawagan ang Joint Foreign Chambers na ireconsidera nito ang nauna nang pahayag na hindi ito sang ayon sa naturang panukala.

Ayon kay Presidential Communications Secretary Herminio Coloma Jr., hindi pa rin nababago ang posisyon ng Pangulo kaugnay sa sistema ng pagpapataw ng buwis sa bansa at ibig niyang manatili ito hanggang sa matapos ang kaniyang termino.

Layon lamang aniya ng pangulo na ipreserba at palakasin ang natamo nang revenue ng pamahalaan sa pamamagitan ng maayos na pamamahala hinggil sa ekonomiya ng bansa.

Tags: income tax, Pnoy