Mekanismo para bantayan ang epekto ng TRAIN Law sa mga mahihirap, binabalangkas na ng NAPC

by Radyo La Verdad | January 12, 2018 (Friday) | 5140

Inaasahan na ng National Anti-Poverty Commission o NAPC na tiyak na maaapektuhan ang mga mahihirap sa pagpapatupad ng TRAIN Law.

Ayon kay Secretary Lisa Masa, binabalangkas na nila ang mekanismo para bantayan ang magiging epekto nito sa tinatayang nasa 21.9 million na mga mahihirap, ito aniya ang mga kabilang sa below poverty line o mga sumusweldo lamang ng P9,600 kada buwan pababa.

Dati na aniya silang exempted sa income tax subalit madadagdagan pa ng gastos dahil sa bagong buwis. Maging ang P200 na sustento kada buwan para sa 10 milyong mahihirap na households ay pag-aaralan din ng komisyon kung makasasapat.

Subalit ayon kay Masa, aabot sa 50 milyon ang talang bilang ng mga naghihirap na mga Pilipino kung hindi lamang sweldo ang basehan ng pagiging mahirap.

Nagpanukala na rin aniya siya sa Pangulong Rodrigo Duterte upang matulungan ang mga ito na matugunan ang pangangailangan at maiangat ang kabuhayan.

 

( Rey Pelayo / UNTV Correspondent )

Tags: , ,