Matapos ang halos isang taong pagmamanman, naaresto sa buy bust operation ng Manila Police District sa Laong Nasa Street, Tondo, Maynila kahapon ang pitong tulak ng droga sa lugar.
Kinilala ang mga naaresto na sina Virgilio at Carlo Magno, Jayson at Rosanna Odayat, Danilo Manansala at Jelly Ann Nedroda.
Kabilang din sa mga nahuli ang isang kinse anyos na babae na siyang nagdedeliver umano ng droga sa kanilang mga parokyano.
Tatlumpung sachet ng hinihinalang shabu, isang kalibre kwarenta’y singkong baril, mga bala at ilang drug paraphernalia ang nakuha ng mga otoridad sa mga suspek.
Aminado ang mga ito na gumagamit at nagbebenta sila ng ipinagbabawal na gamot.
Nasa drugs watchlist din ng Manila police ang mga naarestong indibidwal. Inaalam pa ng mga pulis kung konektado sa isang sindikato ang mga ito.
Samantala, sinalakay ng mga tauhan ng QCPD Station 6 ang isang hinihinalang drug at sex den sa Lupang Pangako, Payatas, Quezon City kagabi.
Arestado ang tatlong indibidwal, kabilang ang isang menor de edad.
Target ng operasyon ang isang Biboy Montajos alyas “Willy Boy” na kilalang tulak ng droga sa lugar.
Bukod kay Willy Boy, naaktuhan din ng mga pulis sa lugar ang isang alyas Sandra at isang disisyete anyos na lalaki na gagamit sana ng shabu.
Sampung sachet ng hinihinalang shabu ang nakuha ng mga otoridad sa lugar, pero itinatanggi naman ni Montajos na nagbebenta siya ng iligal na droga.
( Victor Cosare / UNTV Correspondent )
Tags: arestado, drug suspects, menor de edad
METRO MANILA – Sinimulan na ng Pateros Local Government ang pagre- rehistro sa mga nasa 12- 17 taong gulang na magpapabakuna kontra COVID-19.
Ayon kay FDA Dir General Eric Domingo, isa itong magandang hakbang sa mga naghihintay ng vaccine rollout para sa mga Pilipinong menor de edad.
“It’s a great initiative on the part of the LGU na ngayon pa lang mag-umpisa na silang magregister ng mga adolescents, kasi darating naman talaga tayo doon. Darating din naman yung panahon na magbabakuna ng mga bata, it would be good I think for LGUs to prepare para kapag sinabi ng DOH na ok we have enough pwde na tayong mag- vaccinate ng adolescents, pwede na agad islang makapag- roll out” ani FDA Director General, Usec. Eric Domingo.
Ayon pa sa fda, kailangan lang talagang hintayin ang go signal ng pamahalaan bago masimulan ang pagbabakuna kontra COVID-19 sa mga kabataan.
Prayoridad pa lang ngayon ng pamahalaan na makakumpleto ng kanilang COVID-19 shots ang nasa A1 hanggang A5 sector.
“Low risk pa rin ang mga bata bagama’t nagkakaroon ng marming cases across all ages pati sa mga bata, sila pa rin ang lowest risk of getting COVID and lowest risk of getting severe COVID” ani FDA Director General, Usec. Eric Domingo.
Sa ngayong ang Pfizer at Moderna pa lang ang may amended Emergency Use Authorization sa bansa na maaaring gamiting bakuna para sa mga 12 taong gulang pataas.
Samantala ayon sa FDA, hindi pa nagsusumite ang Pfizer ng kanilang certificate of product registration sa Pilipinas para maibenta ito sa merkado at mabili ng mga pribadong sektor at sinomang indibidwal.
Wala ring bagong vaccine manufacturer na nagsumite ng Emergency Use Authorization (EUA) application sa Pilipinas ayon sa FDA.
(Aiko Miguel | UNTV News)
Tags: COVID-19 VACCINATION, FDA, menor de edad
METRO MANILA – Tanging mga edad 18-65 lamang ang papayagang lumabas sa kanilang mga tahanan simula ngayong araw (March 17) dahil sa patuloy na pagtaas ng bilang ng kaso ng COVID-19 sa Metro Manila.
Kaugnay nito, sa pangunguna ng Metro Manila Council at pakikipagtulungan ng Metropolitan Manila Development Authority o MMDA naghain ng isang resolusyon ng pagbabawal sa mga minor na may edad 15-17 na lumabas ng kanilang bahay sa loob ng dalawang linggo.
Ayon kay MMDA Chairman Benhur Abalos, pinagkasunduan ng Metro Manila Mayors ang implementasyon nito sa kanilang lugar upang mapigilan ang pagkalat ng nakakahawang sakit.
Aniya, ang pagpapatupad ng age restriction sa Metro Manila ay dahil sa mabilis na pagtaas ng bilang ng COVID 19 cases sa mga lugar.
Dagdag pa niya, sundin na lamang ang mga minimum health protocols at mas maging maingat lalo ang mga pamilya.
“As I’ve said before, the metro mayors and MMDA are regularly monitoring the COVID-19 numbers and we will implement calibration and changes on our directives depending on the figures that we have,” ani MMDA Chairman Benhur Abalos.
Matatandaan na nagkasundo rin ang Metro Manila Mayors na tanggalin ang age restriction para sa pagpapataas ng ekonomiya ng mga lungsod.
(Jasper Barangan | La Verdad Correspondent)
Tags: menor de edad
MANILA, Philippines – Ipinagutos na ni Manila Mayor Isko Moreno Domagoso na paigtingin ang pagpapatupad ng curfew hours sa mga menor de edad sa lungsod simula Kagabi (September 2).
Sa Ordinance Number 8547 na nilagdaan noong 2018,bawal na sa mga lansangan ang mga menor de edad simula 10pm hanggang 4am ng madaling araw.
Samantala ang mga magulang ng mga mahuhuling menor de edad ay pagmumultahin alinsunod sa Ordinance Number 8243.
P2,000 o pagkakakulong ng 1 buwan ang kahaharapin ng mga magulang ng mga madadakip na bata edad 15 hanggang 17 taong gulang.
P3,000 naman o hanggang 3-buwang pagkakakulong sa mga menor de edad, 13 hanggang 14 na taong gulang.
P5,000 naman o hanggang 6 na buwang pagkakulong kung ang mahuhuling bata ay edad 12 taong gulang pababa.
(Harlene Delgado | UNTV News)
Tags: curfew hours, Maynila, menor de edad
