METRO MANILA – Mananatiling P9 ang minimum fare sa mga public utility jeepney sa Metro Manila at ilang karatig na rehiyon.
Ito ay matapos hindi aprubahan ng Land Transportation Franchising and Regulatory Board (LTFRB) ang pisong provisional fare increase na hiniling ng mga transport group na 1-Utak, Pasang Masda, Altodap at Acto.
Batay sa inilabas na resolusyon ng ahensya, ang pagtutol sa P1 fare hike ay para sa interes at kaginhawaan ng publiko.
Paliwanag ng LTFRB, isinaalang-alang nito ang posisyon ng National Economic Development Authority (NEDA) na nagsasabing maaaring magdulot ng mas mataas na inflation ang fare increase.
Magbibigay-daan din ito sa hearing para naman sa 2 pang petisyon ng mga transport group na gawing P14 o di kaya ay P15 ang minimum fare sa jeep.
Pansamantala, patuloy na aayudahan ang mga tsuper na apektado ng sunod-sunod na bigtime oil price hike sa pamamagitan ng ipinamamahaging fuel subsidy.
Bukod dito, inaasahan na rin ang pagsisimula ng service contracting kapag inilabas na ng Department of Budget and Management (DBM) ang pondo ngayong linggo.
Sa kabila nito, dismayado ang ilang tsuper sa hindi pagbibigay sa kanila ng pisong dagdag pasahe.
Ilang drayber naman ang nagsabing hindi nila natatanggap ang mga ayudang dapat sila ang nakikinabang.
Sa Martes, March 22, nakatakda ang susunod na hearing sa LTFRB para sa mga nakabinbing fare hike petitions ng mga transport group.
(Asher Cadapan Jr. | UNTV News)
Tags: DBM, Fuel Subsidy, LTFRB
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
