Maaga pa lamang ay nakapila na ang mga aspiring singer ng Cebu para sa 12th leg ng WISHcovery on-ground audition. Isa na rito ang 21-year old governmnet employee na si Kristina Cassandra Dilao. Sa kanyang pagsali ay hindi lamang sariling pangarap ang kanyang tinutupad.

Samantala, kahit wala pang tulog mula trabaho ay dumiretso na agad ang call center agent na si Judemer Anora sa audition. Kabilang sa mga naghikayat sa kanyang sumali ay ang kanyang kaibigan na isa sa mga napiling prequalifier ng WISHcovery.

Ito ang may pinakamalaking batch ng auditionee kung saan umabot sa halos dalawangdaan at apatnapu ang singing hopefuls na nagpakitang gilas.

Ngayong araw naman ay kasalukuyang nasa SM Manila ang WISHcovery team para sa mga Manileño na gustong humabol at subukan ang kanilang kapalaran na maging bagong online singing sensation.

(Leslie Longboen / UNTV Correspondent)

Tags: Cebu City, SM Manila, wishcovery