METRO MANILA – Tuloy-tuloy ang ginagawang pag-iinspeksyon ng Department of Education at Department of Health sa 100 mga paaralan lalahok sa limited face-to-face classes na magsisimula sa November 15.
Kamakailan nagtungo ang DepEd sa Tamulaya Elementary School sa Quezon Province upang tingnan ang kahandaan ng eskwelahan para sa in-person learning.
Siniguro ng kagawaran na masusunod ang mga itinakdang safety protocols, tulad ng social distancing, at pagkakaroon ng sanitation station para sa mga mag-aaral.
Tiniyak rin ng DepEd na may nakahandang contingency plan ang mga paaralan sakaling magkaroon man ng kaso ng COVID-19 habang isinasagawa ng face-to-face classes.
“Handang handa na tayo kung ano ang resulta nitong ating pilot study pwede nating i-extend ito at lalong paramihin natin ang mga eskwelahan na magkaroon ng face-to-face classes” ani DepEd Sec. Leonor Briones.
Bukod sa paghahanda sa pasilidad ng mga paaralan, patuloy rin ang pagsasagawa ng orientation sa mga magulang na nais isama ang kanilang anak sa physical classes.
34 na public schools mula sa Luzon, 21 sa Visayas at 44 sa Mindanao ang napiling makakasama sa in-person learning.
Sa Biyernes, November 12, nakatakda na ring ilabas ng DepEd ang listahan ng 20 private schools na lalahok sa physical classes.
“Sa ngayon hindi pa pinal yung desisyon kung sinu-sino yung 20 pribadong paaralan ang lalahok dito sa ating face-to-face pero sa ngayon po meron tayong limamput-pito 57 private schools that have been submitted already for evaluation” ani DepEd Asec. Malcom Garma.
Tiniyak ng kagawaran na bakunado na ang lahat ng mga guro at school personnel na makakasama sa physical classes.
At kahit pa uumpisahan na ang face-to-face classes sa ilang mga paaralan, tuloy pa rin ang ibang learning modalities gaya ng DepEd tv at modules.
(Janice Ingente | UNTV News)
Tags: DepEd, face-to-face classes
METRO MANILA – Muling pinag-iingat ng Department of Education (DepEd) ang publiko laban sa kumakalat na pekeng post tungkol sa umano’y cash assistance na ibibigay sa mga graduating student.
Sa isang mensahe nilinaw ni DepEd Undersecretary Michael Poa, na walang ganitong programa ang ahensya at pinayuhan ang mga magulang at estudyante na huwag magbibigay ng anomang personal na impormasyon sa mga ganitong klase ng post.
Nakasaad sa fake advisory na makatatanggap umano ng P8, 000 na cash aid ang mga graduating student mula elementary hanggang college level.
Ayon sa DepEd hindi dapat paniwalaan ang naturang post, at pinaalalalahanan ang mga magulang na mag-ingat upang hindi makompromiso ang kaligtasan at kapakanan ng kanilang mga anak.
Tags: DepEd, Fake Cash Assistance
METRO MANILA – Hinimok ng Department of Education (DepEd) ang mga pampublikong paaralan sa bansa na isagawa ang kanilang end-of-school-year (EOSY) rites sa loob ng mga gusali o indoors.
Ayon sa kagawaran, nakatakdang ganapin ang mga EOSY rites mula Mayo 29 hanggang 31 ngayong taon, at itinakda na gawin ito sa loob ng mga gusali o sa mga lugar na may sapat na bentilasyon at malayo sa sikat ng araw.
Pinapaiwas din ng DepEd ang mga paaralan nai-iskedyul ang kanilang EOSY rites sa oras ng araw kung saan ang temperatura ay nasa pinakamataas na lebel.
METRO MANILA – Iminungkahi ng Department of Education (DepEd) kay Pangulong Ferdinand Marcos Junior ang pagtatapos ng school year 2024 to 2025 sa buwan ng Marso sa susunod na taon.
Ito ay upang maibalik sa April to May ang bakasyon sa eskwelahan.
Ayon kay DepEd Assistant Secretary Francis Brigas, nagsumite na ang kagawaran ng liham sa Office of the President patungkol sa end of school year.
Nakiusap naman si Bringas sa komite na bigyan ng panahon ang pangulo na mapag-aralan ang isinumiteng sulat ng kagawaran.
Sa oras na italaga ang pagtatapos ng school year 2024-2025 sa March 2025, magiging 165 days na lamang ang school calendar.
Tags: DepEd
