Bilang pagdiriwang sa ika-251 na anibersaryo ng Philippine Postal Service at ang National Stamp Collecting Month, kikilalanin na bilang Important Cultural Property ang Post Office Building.
Opisyal na itong magiging bahagi ng mahahalagang pagmamay-ari ng mga Pilipino. May layunin itong magbigay inspirasyon na protektahan, pangalagaan at itaguyod ang pagkakakilanlan bilang Pilipino, kasama ang National Commission for Culture and Arts at mga pribadong stakeholders.
Magkakaroon din ng paglulunsad ng bagong stamp para sa taong 2019. Maging ang pagtatanghal sa mga modern at classical stamps sa Manila Central Post Office Lobby, Liwasang Bonifacio sa ganap na ika-3 ng hapon sa darating na Biyernes, ika-23 ng Nobyembre 2018.
Ilan sa mga pangunahing panauhin ay ang Director ng National Museum of the Philippines, gayundin sina Chairman Virgilio Almario ng National Commission of Culture and Arts, Postmaster General Joel L. Otarra at PHLPost Chairman Norman Fulgencio.
Para sa iba pang impormasyon, tumawag sa 0916-312-4765 o sa 527-00-96.
Tags: Important Cultural Property, Philippine Postal Service, PHLPost
PHOTO: COURTESY OF PHLPOST
Ipinagdiriwang ngayong araw, October 9, 2018 ng Philippine Postal Corporation (PHLPost) ang World Post Day, sa pamamagitan nito ay hinihikayat ng ahensya ang mga estudyante na padalhan ng sulat ang kanilang mga guro bilang pasasalamat sa kanilang pagsisikap upang sila ay maturuan ng tama.
Layon din ng World Post Day celebration ay magbigay kamalayan sa halaga ng postal service sa pang araw-araw na buhay ng tao ganun din sa mga negosyo at ang kontribusyon nito sa global social at ecomonic development.
Magkakaroon din ang ahensya ng aktibidad para sa mga paaralan sa buong bansa at ito ay ang “Salamat Po Teacher” raffle promo and competition. Ito ay naglalayong epektibong mai-promote ang halaga ng pagtanaw ng utang na loob at pasasalamat ng mga estudyante sa mga guro na nagtuturo sa kanila upang maging mabuting mamamayan.
Sa mga nagnanais sumulat sa kanilang mga guro na nasa elementary, junior at senior high school, ang sulat ay dapat isilid sa sealed envelope, ilagay ang kompletong detalye ng sender at ang papadalhan.
Ang “Thank You” letters ay kailangang ipadala sa Post Office sa pamamagitan ng Ordinary Mail Service gamit ang tema na “4A’s of Gratitude: Appreciation, Admiration, Approval at Attention”. May mga parangal at cash prizes ang handang ipamigay ng ahensya para sa mga mananalo sa raffle promo at sa kompetisyon.
Para sa ibang pang impormasyon hinggil sa aktibidad na ito kasabay ng World Post Day, bisitahin lamang ang facebook page na: https://www.facebook.com/SalamatPoLetterWriting/.
Tags: PHLPost, Post Office, World Post Day
Binuksan ng Philippine Postal Corporation (PHLPost) ang pinakabago nitong Postal Counter sa SM Government Services Express (GSE) South Mall, Las Pinas noong Biyernes, Setyembre 21, 2018.
Pinangunahan ng kinatawan ng SM South Mall at ng ahensiya ng gobyerno ang pagbubukas ng GSE.
Ang hakbang na ito ay upang mapalawig ang pag-aabot ng serbisyo ng gobyerno sa publiko.
Ilan sa mga ahensiya na kasama ng PHLPost ay ang Government Service Insurance System (GSIS), Land Transportation Office (LTO), at Bureau of Immigration (BI). Ang mga sangay ng gobyernong ito ay bukas mula alas-10:00 ng umaga hanggang alas-9:00 ng gabi.
Ang ika-10 Postal Counter ng PHLPost ay matatagpuan sa Lower Ground Level, malapit sa Casa Medica ng SM Southmall, Las Piñas.
Magsasagawa ang Department of Education (DepEd) at Philippine Postal Corporation (PHLPost) ang isang Thank You Letter-Writing Competition upang bigyang pugay ang mga guro sa nalalapit na pagdiriwang ng World Teachers Day at National Teachers Day.
Ito ay bilang pagkilala sa mga sakripisyo at kabayanihan ng mga guro na gaganapin sa ika-5 ng Setyembre hanggang ika-5 ng Oktubre.
Ayon kay Maxi Sta. Maria, business department manager ng PHLPost, ibinabalik lamang ng ahensiya ang tradisyonal at nakagisnang pagsusulat ng liham upang pasalamatan ang mga guro.
Bukod sa 10,000 pisong papremyo, ang mananalong mag-aaral ang magiging official entry ng Pilipinas sa Universal Postal Union Letter-Writing Competition na isinasagawa taon-taon sa Switzerland.
Ayon naman kay Undersecretary Tonisito Umali, ang pagkilala sa mga guro ay hindi lamang ginagawa kapag dumarating ang buwan ng mga guro at araw ng mga guro kundi nararapat na dalhin araw-araw at isapuso ng mga natulungan nilang mag-aaral.
Samantala, isasagawa sa Ormoc City Superdome ang national celebration ng araw ng mga guro ngayong ika-5 ng Oktubre na inaasahang dadaluhan ng mahigit sa anim na libong guro mula sa iba’t-ibang panig ng bansa.
( Archyl Egano / UNTV Correspondent )
Tags: DepEd, PHLPost, Switzerland
