Aminado si Justice Secretary Vitaliano Aguirre II na marami pang pagdadaanang proseso bago opisyal na maideklara bilang teroristang grupo ang Communist Party of the Philippines- New People’s Army o CPP-NPA.Target ng DOJ na maisumite sa susunod na linggo sa korte ang petisyon hinggil dito.
Posibleng namang magiging mainit ang pagdinig ng korte hinggil dito lalo na’t inaasahang magsusumite rin ng kanilang mosyon ang makakaliwang grupo.
Samantala, inihayag naman ni Secretary Aguirre na nasa Pilipinas na ang ilan sa mga high ranking officials ng CPP-NPA tulad ng mag-asawang Tiamzon.
Nakapagsumite na rin aniya ang pamahalaan sa korte ng cancellation ng bail para sa karamihan ng mga consultant na pansamantalang pinalaya sa piitan dahil sa usapang pangkapayapaan.
Noong Disyembre ay opisyal na ipinag-utos ni Pangulong Duterte ang pagdedeklara sa CPP-NPA bilang teroristang grupo dahil sa patuloy na pag-atake ng mga ito sa tropa ng pamahalaan sa kabila ng umuusad na usapang pangkapayapaan.
( Rosalie Coz / UNTV Correspondent )
METRO MANILA – Kapwa tinutulan ng Department of Justice (DOJ) at Philippine National Police (PNP) ang mga panawagang secession o paghiwalay ng Mindanao sa Pilipinas.
Ayon sa DOJ, labag sa prinsipyo ng democratic society ang secession alinsunod sa Article 2, Section 2 ng konstitusyon.
Bilang principal law agency ng ehekutibo, nananatili umanong committed ang DOJ sa pangangalaga sa soberanya ng Pilipinas.
Ayon naman kay PNP Chief PGen. Benjamin Acorda Jr., hindi maaaring mabalewala ang maraming buhay at dugo na isinakripisyo para sa kapayapaan ng Mindanao at posibleng magresulta umano ng gulo ang paghihiwalay dito.
METRO MANILA – Patuloy ang ginagawang pagtutulungan ng Philippine National Police (PNP) at Armed Forces of the Philippines (AFP) para sa panibagong estratehiya upang hindi na makabalik ang pamamayagpag ng CPP-NPA sa bansa.
Ito ang reaksyon ni PNP Chief PGen. Benjamin Acorda Jr., kasunod ng pahayag ng pangulo na wala nang NPA sa Pilipinas.
Ayon kay Gen. Acorda ang AFP ang nakatututok sa external threat habang ang PNP naman sa internal threat.
Isa aniya sa pinalalakas ng pambansang pulisya ay ang programang “Pulis sa Barangay”.
Sa ganitong paraan aniya, malalaman ng pulisya kung mayroon bagong mukha o may ibang tao sa mga barangay.
Madali din aniyang malalaman ng mga pulis kung mayroong problema ang isang barangay kaugnay sa kanilang seguridad.
METRO MANILA – Aminado ang Department of Justice (DOJ) na mahirap para sa Bureau of Immigration (BI) na matukoy ang pagkakakilanlan ng mga imbestigador mula sa International Criminal Court (ICC) na papasok sa Pilipinas
Ayon kay DOJ Spokesperson Assistant Secretary Mico Clavano, hindi basta mabeberipika o makukumpirma ng immigration ang pagkakakilanlan ng mga ito.
Gayunman, naniniwala ng DOJ na wala pang presensya ang ICC investigators dito sa Pilipinas, taliwas sa mga kumakalat na balita.
Nauna nang sinabi ni Dating Presidential Spokesperson Harry Roque na kumpirmadong nakapasok na ng Pilipinas ang mga kinatawan ng ICC at nagsasagawa na ng imbestigasyon.
Kaugnay nito, nais sana ng DOJ na makausap si Attorney Roque, upang maibahagi sa kanila ang mga impormasyong nalalaman nito hinggil sa ICC.
