METRO MANILA – Inihain sa Korte Suprema ang petisyon na kumukuwestiyon sa constitutionality ng SIM registration.

Nais ng mga petitioner na kinabibilangan ng ilang grupo, na ideklara ng Supreme Court ang SIM registration na labag sa batas dahil umano sa paglabag nito sa ilang karapatang pangtao kabilang na ang karapatan sa kalayaan at privacy.

Nais din ng mga petitioner na maglabas ng Temporary Restraining Order (TRO) ang SC, upang matigil ang pagpapatupad ng batas.

Kabilang sa mga petitioner ay ang National Union of Journalist of the Philippines (NUJP), dating Bayan Muna Party-list Representative Eufemia Culiamat, Bayan Secretary General Renato Reyes Junior at iba pa.

Tags: SIM Registration