METRO MANILA – Umaasa si Pangulong Ferdinand Marcos Junior na magbubunga ng investment o pamumuhunan ang paglulunsad ng Wholesale Electricity Spot Market (WESM) sa Mindanao.
Ito ang naging pahayag ng pangulo sa Malakanyang. Ayon kay Pangulong Marcos , posibleng bumaba ang singil sa kuryente sa Mindanao dahil sa WESM.
“I believe that this is a very important step and in rationalizing our power capacity, our power distribution, and hopefully with an eye also to the lowering prices of fuel in the world market that this will lead to a lower cost not only for our industrial partners but also for our household consumers” ani Pres. Ferdinand Marcos Jr.
Dahil sa WESM, magkakaroon ng sentralisadong trading electricity para sa large-scale buyers at sellers.
Layon nito na magkaroon ng competitive at reliable na electricity market.
Samantala, dumalo kahapon (February 6) si Pangulong Marcos dito sa 40th Founding Anniversary ng National Kidney and Transplant Insitute (NKTI).
Dito tiniyak ng pangulo ang patuloy na suporta ng pamahalaan sa NKTI. Nagpasalamat rin ang pangulo sa mga kawani, doktor at nurses ng NKTI dahil sa kanilang mga sakripisyo lalo na gitna ng pandemya dulot ng COVID-19.
Tags: PBBM, Power Rates, WESM
METRO MANILA – Inaprubahan ni Pangulong Ferdinand Marcos Junior ang panukala ng Department of Social Welfare and Development (DSWD) na nagpapalawak sa saklaw ng Pantawid Pamilyang Pilipino Program (4Ps).
Nakasaad sa panukala, na kasama na sa cash grants ng 4Ps ang mga buntis at nagpapasusuong ina upang matiyak ang kalusugan ng kanilang mga anak sa unang isang lingong araw nito.
Inatasan ng pangulo ang DSWD at NEDA sa pagsasapinal ng numero at kinakailangang adjustment sa pamamahagi ng cash grants.
Ang nasabing adjustment ay magpapataas ng purchasing power ng mga benepisyaryo at makakapagbigay ng insentibo para mapabuti ang kanilang pagsunod sa mga kondisyon ng programa na makakaiwas sa malnutrisyon at stunting.
Tags: Cash Grant, DSWD, PBBM
METRO MANILA – Ganap nang batas ang “Kabalikat sa Pagtuturo Act”. Ito ay matapos lagdaan kahapon (June 3) ni Pangulong Ferdinand Marcos Junior ang naturang batas na layong doblehin ang tinatanggap na techning supplies allowance o chalk allowance ng mga guro.
Mula sa P5,000 ay itataas na ito sa P10,000 kada taon. Sisimulan ang pamamahagi ng dobleng teacher’s allowance sa School Year 2025-2026.
Matagal na ring idinadaing ng mga guro ang kakulangan ng supplies allowance na pambili ng chalk, erasers, forms at iba pang classroom supplies dahilan upang kuhanin na ang pampuno sa gastos sa mismong personal na pera ng mga guro.
Ayon kay Pangulong Marcos responsibilidad ng estado na tulungan ang mga guro na nagsasakripisyo.
Tags: PBBM, Teacher's Allowance
METRO MANILA – Binigyang-diin ni Pangulong Ferdinand Marcos Junior malapit sa aksyon ng giyera at red line nang maituturing kung masasawi ang 1 Pilipino dahil sa anomang insidente o aksyon ng China Coast Guard (CCG) sa West Philippine Sea (WPS).
Ito ang sagot ni pbbm nang tanungin sa isyu sa ginanap na 21st International Institute for Strategic Studies (IISS) Shangrila Dialogue sa Singapore nitong Biyernes (May 31).
Naniniwala ang pangulo na susuportahan ng treaty partners ang Pilipinas sa ganitong tumitinding sitwasyon sa WPS.
Iginiit din ng punong ehekutibo na gagawin ng Pilipinas ang lahat upang protektahan ang soberanya ng bansa kasabay ang commitment sa pagpapanatili ng kapayapaan at pagtugon sa mga isyu sa pamamagitan ng dayalogo at diplomasya.
