Kanselado bukas, araw ng Miyerkules, simula alas-dose ng tanghali ang mga pasok sa mga tanggapan ng pamahalaan at mga pampublikong paaralan.

Inilabas ng Malacañang ang abiso sa pamamagitan ng Memorandum Circular Number 43 na pirmado ni Executive Secretary Salvador Medialdea.

Kabilang sa suspindido ang pasok sa mga government-owned and controlled corporations, local government units at mga klase sa public schools, state universities and colleges upang bigyang-daan ang paghahanda ng mga government workers para sa long weekend.

Samantala, di naman kabilang sa work suspension ang mga nakaugnay sa law enforcement response at vital services.

Depende naman sa discretion ng mga tagapanguna ng ibang sangay ng pamahalaan at mga pribadong kumpanya ang work suspension sa kanilang mga tanggapan.

Tags: kanselado, pampublikong paaralan, tanggapan ng pamahalaan