Dagsa pa rin ang mga nakikiramay sa pamilya Demafelis sa kanilang tahanan sa Sara, Iloilo.

Ayon sa  kuya ni Joana na si Joejit, sa ngayon ay panatag na ang kanilang kalooban matapos mapaulat na nadakip na ang mga amo ni Joana.

Gayuman, nais anila na makakita ng patunayan na talagang nasa kustodiya na ng mga otoridad sina Nader Essam Assaf at Mona Hassuon lalo pa at wala pa silang natatanggap na verified information mula sa Overseas Workers Welfare Administration (OWWA).

Iginiit rin nito na parusang bitay ang nararapat sa mga ito dahil sa karumal-dumal na ginawa nila kay Joanna. Itinanggi naman ng pamilya na may natatanggap silang banta.

Gayunpaman, may mga pulis pa rin na nagbabantay round the clock upang panatilihin ang seguridad hanggang sa mailibing ang mga labi ni Joanna.

Sa Sabado ng alas dos ng hapon nakatakdang ilibing ang mga labi ni Joanna.

( Lalaine Moreno / UNTV Correspondent )

Tags: Demafiles, Iloilo, parusang kamatayan