Hindi posible para kay Doctor Primitivo Cal, ang executive director ng UP Planning and Development Research Foundation na gawing One-Way Highway ang kahabaan ng Edsa, C5 road at Roxas Boulevard.
Paliwanag niya, hindi maaring ipatupad ang naturang traffic scheme sa Metro Manila dahil wala naman aniyang alternatibong ruta na maaring daanan ang mga motorista, kung gagawin lamang na isang direksyon ang daloy ng mga sasakyan sa mga pangunahing kalsada.
Para naman sa Secretary General ng PHL Global Road Safety Partnership na si Alberto Suansing, kinakailangan munang isailalim sa siyentipikong pag-aaral ang nasabing panukala sa trapiko.
Ipinanukala ni Samar Representative at Vice Chair ng House Committee on Transportation Edgar Sarmiento na gawing one way ang daloy ng mga sasakyan sa Edsa, C5 road at Roxas Boulevard.
Batay sa panukala, ang lahat ng mga sasakyan na biyahe mula Caloocan patungong Pasay o ang mga pa-Southbound ay padadain sa kahabaan ng Edsa.
Habang ang mga motorista naman na bibiyahe pa Norte ay maaring bumaybay sa C5 road at Roxas Boulevard.
Ayon naman sa MMDA kinakailangan muna itong isangguni at paaprubahan sa buong Metro Manila Council bago ipatupad sa Metro Manila.
( Joan Nano / UNTV Correspondent )
Tags: C5 at Roxas Blvd, EDSA, One-Way Highway
METRO MANILA – Pinag-aaralan ngayon ng Metropolitan Manila Development Authority (MMDA) ang
pag-alis ng bicycle lane sa Edsa.
Plano ng ahensiya na palitan na lamang ito ng motorcycle lane.Ayon kay MMDA Acting Chairman Atty. Romando Artes, ito ay dahil aabot lang naman sa 1,500 ang mga bisikletang dumaraan sa Edsa kada araw habang nasa 117,000 na motorsiklo ang gumagamit ng lansangan bawat araw.Sa ngayon ay wala pa naman aniyang deadline para sa pag-aaral ng MMDA at Department of Transportation (DOTr) para sa
motorcycle lane sa Edsa maging sa pag aalis ng bicycle lane.
METRO MANILA – As of November 10, 2022, nasa 398,000 na ang bilang ng mga sasakyan na araw-araw na bumabagtas sa kahabaan ng Edsa.
Ayon sa Metropolitan Manila Development Authority (MMDA), halos katumbas na ito ng pre-pandemic level na umaabot ng nasa higit 400,000.
At ngayong holiday season mas madadagdagan pa ito dahil sa inaasahang pagdagsa ng mga tao sa shopping malls pagsapit ng holiday rush.
Upang maibsan ang inaasahang matinding pagtukod ng traffic sa Edsa, nagpatupad na ng adjusted hours ang mga mall na may operating hours mula 11am hanggang 11pm.
Bukod dito, suspendido na rin ang excavation activity o paghuhukay sa Metro Manila hagggang sa January 6 upang hindi magdulot ng pagsikip ng trapiko ngayong holiday season.
Pero meron namang mga exception tulad na lang ng flagship program ng gobyerno na maaari pa ring ituloy ang construction.
Samantala nagpakalat na ang mmda ng ng mas maraming bilang ng mga traffic enforcer sa mga lugar na may matinding volume ng mga sasakyan.
(JP Nunez | UNTV News)
Tags: EDSA, holiday season, MMDA, traffic
METRO MANILA – Oras na makumpleto at mabuksan ang Metro Manila Skyway Stage 3 sa buwan ng Abril, nasa 100 Libong sasakyan ang mababawas sa Edsa.
Bukod pa ito sa 30 Libong trucks na mababawas din sa naturang major thoroughfare oras na matapos ang NLEX Harbor Link Segment 10 na nakatakda namang buksan sa Marso.
Kaya naniniwala ang Department of Public Works and Highways (DPWH) na ngayong taon, mag-uumpisa nang mabawasan ang bigat ng daloy ng trapiko sa Edsa na itinuturing na worst traffic spot Sa Metro Manila.
“With the second half of this year, we will relieve Edsa of 20-30 percent. Malaki po ang improvement sa Edsa and for the first year, starting this year and in subsequent years, we will see continued improvement along Edsa ” ani DPWH Sec. Mark Villar.
Bukod pa ito sa mga proyektong tulay, bypass roads at skyways na bahagi rin ng Build, Build, Build infrastructure projects ng Duterte Administration.
“Pag natapos na yung skyway, luluwag na ang edsa sa term ni president, madedecongest natin ang Edsa at yung 5-minute from Cubao to Makati, possible po, magagawa natin ” ani DPWH Sec. Mark Villar.
Tiwala rin ng opisyal na kung matatapos lahat ng proyektong imprastraktura, malaki ang posibilidad na maibalik sa 280,000 vehicle-capacity ang Edsa. Sa ngayong umaabot sa 400 Libong sasakyan ang bumabaybay sa Edsa araw-araw.
(Rosalie Coz | UNTV News)
