Wala pa ring pinapayagan ang Department of Foreign Affairs na magsagawa ng anomang marine scientific research hindi lamang sa Philippine Rise kundi maging sa ibang bahagi ng bansa.
Ito ay habang pinag-aaralan pa ng ahensya ang proseso sa pag-apruba ng mga aplikasyon ng ibang mga bansa para sa scientific research.
Bago matapos ang Marso, isusumite rin ng DFA ang isang panukalang executive order kay Pangulong Duterte kaugnay ng polisiya sa pagsasagawa ng ibang bansa ng pagsasaliksik sa karagatan ng Pilipinas.
Ayon sa DFA, naghain na rin sila ng pagtutol sa ginawang pagpapangalan ng China sa underwater features ng Philippine Rise noong Pebrero sa International Hydrographic Organization on Sub-Committee on Undersea Feature Names.
Ngunit para sa ilang eksperto, tila huli na ang bansa para gawin ito.
Wala namang nakikitang problema dito ang ilang mambabatas kung ang pag-uusapan ay ang claim ng Pilipinas sa Benham Rise.
Minamadali na rin aniya ang hakbang upang mabigyan ng pangalan ang limang underwater features sa Philippine Rise na una nang pinangalanan ng China.
( Nel Maribojoc / UNTV Correspondent )
Tags: DFA, Executive order, Philippine Rise
METRO MANILA – Binuo ni Pangulong Ferdinand Marcos Junior ang isang special committee na tututok sa pagtatanggol at pagpapalakas sa karapatang pantao sa bansa.
Batay sa Administrative Order (AO) Number 22 na nilagdaan ni Executive Secretary Lucas Bersamin nitong May 8, nakasaad na pamumunuan ang komite ng nabanggit na opisyal at ni Justice Secretary Crispin Remulla bilang Co-Chair nito.
Magiging katuwang nila ang mga kalihim ng Department of Foreign Affairs (DFA) at ng Department of the Interior and Local Government (DILG).
Isa sa pangunahing tungkulin ng komite ang mag-imbestiga, kumuha ng datos hinggil sa mga hnihinalang human rights violations ng law enforcement agencies at makipagtulungan sa private sectors.
METRO MANILA – Sinisiguro ni Pangulong Ferdinand Marcos, Jr. na ginagawa ng kaniyang administrasyon ang lahat upang matiyak nito ang kaligtasan ng labing-pitong (17) Pilipinong na-hostage matapos ma-hijack ang sinasakyan nitong cargo vessel na Galaxy Leader sa Red Sea nitong Linggo, November 19.
Ayon sa Pangulo, nakikipag-ugnayan ngayon ang Departmant of Foreign Affairs (DFA) sa mga bansang Iran, Oman, Qatar at Saudi Arabia upang bantayan ang kasalukuyang sitwasyon.
Patuloy rin aniya ang Department of Migrant Workers (DMW) sa pakikipag-usap sa pamilya ng mga biktima upang ipag-alam ang kalagayan ng mga ito.
Kinumpirma ng DFA nitong Miyerkules (November 22) na kabilang ang 17 Pilipino seafarers sa 25 crew members ng Galaxy Leader na nabihag ng mga rebeldeng grupo na Houthi.
Ayon sa ilang ulat, target ng mga Houthi ang mga barkong may kaugnayan sa bansang Israel at maging ang mga bansang kaalyado nito.
(Jasha Gamao | La Verdad Correspondent)
METRO MANILA -Isinailalim na ng pamahalaan ng Pilipinas sa Alert Level 4 o mandatory evacuation ang Gaza dahil sa patuloy na kaguluhan sa lugar sa pagitan ng Israeli forces at Palestinian militant group na Hamas.
Ayon kay Department of Foreign Affairs (DFA) Spokesperson Ma. Teresita Daza, tukoy na ng gobyerno ng Pilipinas ang 131 Filipino nationals na nasa Gaza. 78 sa kanila ang nasa Rafah Border at patawid na malapit sa Egypt.
Habang ang iba ay nakaalis na mula Northern Gaza o Gaza City na inaahasang magiging sentro ng mas matinding labanan.
Tiniyak naman ng DFA na patuloy ang pag-asikaso sa repatriation ng mga Pilipino sa lugar.
Sa isang video sa kanilang Facebook page, nanawagan ang Israel Defence Forces (IDF) sa mga sibilyan sa Gaza na lisanin na ang lugar dahil sa kanilang inilunsad na opensiba laban sa Hamas.
Nagbigay pa ng evacuation route ang IDF at 3 oras na pagtigil ng opensiba upang makalikas ang mga sibilyan.
Pero batay sa ilang mga ulat, pinipigilan umano ng Hamas ang mga sibilyan na lisanin ang Gaza City.
Naglabas din ng mga recorded na usapan sa telepono ang IDF kung saan sinasabi ng 1 residente sa Gaza na hindi sila pinapaalis ng Hamas.
Ayon naman kay United Nations Secretary-General Antonio Guterres, napaka-delikado ng babalang mass evacuation.
Nanawagan din ito na mabigyan ng humanitarian access ang mga relief workers ng UN para makapaghatid ng ayuda sa mga naiipit sa bakbakan.
Tags: DFA, Filipino, Israel War, PH
