METRO MANILA – Layong gawing tagapangasiwa ng Overseas Filipino Workers (OFWs) Hospital sa San Fernando City, Pampanga ang Department of Migrant Workers (DMW). Ito ay sa ilalim ng ipinasang panukalang batas ng House of Representatives nitong May 29 na House Bill 8325 o ang “Overseas Filipino Workers Hospital Act” na may 255 boto.
Magsisilbing referral facility ang ospital para sa mga pinauwing OFW na nangangailangan ng tulong at suportang medikal, katuwang ang mga network ng provincial at inter-regional healthcare provider upang magkaroon ng isang maayos at may koordinasyong referral system para sa medical repatriation program. Alinsunod ito sa Republic Act No. 11223 o ang Universal Health Care Act.
Kapag naisabatas ito, tatanggap ang mga OFW ng 24/7 telehealth services, pre-employment medical examination, post-employment, at post-arrival medical examination.
Kasama rin dito ang dagdag suporta sa pag-aaral ng mga unibersidad at institusyon sa mga alalahanin na may kaugnayan sa kalusugan ng mga migranteng manggagawa.
Inatasan naman sa ilalim ng batas ang Overseas Workers Welfare Administration (OWWA) na tiyaking mapapalakas ang mga kasalukuyang benepisyong pangkalusugan at mga programa sa tulong medikal para sa mga OFW, kanilang mga dependent, mga contributor ng OWWA at sa pangkalahatang publiko.
Ayon kay House Speaker Martin Romualdez, titiyakin na tatanggap ng kalidad, napapanahon at mahusay na serbisyong medikal ang mga OFW at kanilang mga dependent na nararapat sa kanila.
(Andrei Canales| La Verdad Correspondent)
Tags: DMW, OFW Hospital, OWWA
METRO MANILA – Magsasagawa ng Mega Overseas Jobs fair ang Department of Migrant Workers (DMW), ngayong araw, june 12.
Mag-uumpisa ang job fair, mula alas-10 ng umaga hanggang alas-4 ng hapon, sa ikatlong palapag ng Robinsons Galleria sa Ortigas, Quezon City.
Maaaring magsumite ang mga aplikante ng kanilang ng job application sa 21 licensed agencies na makikibahagi sa aktibidad.
Ilan sa mga alok na trabaho ay mula sa mga sektor ng healthcare, engineering and construction, hospitality, farming, managerial positions, at marami pang iba.
METRO MANILA – Nilagdaan na nitong Sabado March 2 ng Department of Migrant Workers (DMW), Landbank of the Philippines at Overseas Filipino bank ang isang kasunduan para mapabilis ang release ng Saudi claims ng Overseas Filipino Workers (OFW’s).
Sa pamamagitan ng naturang hakbang, mapabibilis ang proseso ng mga cheke mula sa gobyerno ng Saudi Arabia para sa hindi nabayarang sahod, benepisyo, at iba pang hinaing ng mga displaced OFW na nawalan ng trabaho matapos ma-bankrupt ang kanilang mga kumpanya sa nasabing bansa noong 2015 at 2016.
Nabuo ang nasabing kasunduan kasunod ng nangyaring sideline meeting ni Pangulong Ferdinand Marcos Jr. Kay Saudi Crown Prince Mohammed Bin Salman sa isinagawang ASEAN leaders summit sa Bangkok, Thailand noong nakaraang taon.
METRO MANILA – Sinisiguro ni Pangulong Ferdinand Marcos, Jr. na ginagawa ng kaniyang administrasyon ang lahat upang matiyak nito ang kaligtasan ng labing-pitong (17) Pilipinong na-hostage matapos ma-hijack ang sinasakyan nitong cargo vessel na Galaxy Leader sa Red Sea nitong Linggo, November 19.
Ayon sa Pangulo, nakikipag-ugnayan ngayon ang Departmant of Foreign Affairs (DFA) sa mga bansang Iran, Oman, Qatar at Saudi Arabia upang bantayan ang kasalukuyang sitwasyon.
Patuloy rin aniya ang Department of Migrant Workers (DMW) sa pakikipag-usap sa pamilya ng mga biktima upang ipag-alam ang kalagayan ng mga ito.
Kinumpirma ng DFA nitong Miyerkules (November 22) na kabilang ang 17 Pilipino seafarers sa 25 crew members ng Galaxy Leader na nabihag ng mga rebeldeng grupo na Houthi.
Ayon sa ilang ulat, target ng mga Houthi ang mga barkong may kaugnayan sa bansang Israel at maging ang mga bansang kaalyado nito.
(Jasha Gamao | La Verdad Correspondent)
