Isinusulong ngayon sa Kamara ang panukalang batas na magbibigay ng proteksyon sa paglipat ng copyright ng mga may-akda o lumikha mula sa mga mapagsamantala na ilegal na nangongopya o nagnanakaw ng kanilang mga ideya sa kanilang mga iniakda o nilikha.
Sa ilalim ng House Bill 5557 o ang “Creator Protection Act” na itinutulak ni Rep. Emmeline Aglipay-Villar ng DIWA partylist, bibigyan nito ng proteksyon at seguridad ang intellectual property rights ng mga author o creator ng iba’t ibang sining at literatura.
Layunin rin ng panukala na magkaroon ng maayos na paglilipat o transfer ng copyright sa pamamagitan ng lamang ng pagbibigay ng kapahintulutan mula sa mga may-akda o lumikha.
Binigyang diin ni Aglipay na dahil sa Internet,
madali na ngayon ang pag-access sa mga digital copy ng mga aklat at maraming Pilipino
ngayon ang nagsusulat o lumilikha ng mga awit, pelikula at iba pang sining kasunod nito ang pagkakaroon ng malaking bilang ng ‘followers’ sa social media.
Nakasaad din sa panukalang batas na hindi kikilalanin ng pamahalaan ang paglipat o paglisensya ng copyright o intellectual property kung hindi nakasulat ang mga probisyon sa kontrata, sa wikang maiintindihan ng mga may-akda.
Tags: copyright, DIWA partylist, intellectual property, Internet, plagiarism, Si Rep. Emmeline Aglipay-Villar, social media
METRO MANILA – Inaprubahan na ng Senado sa ikatlo at huling pagbasa ang panukalang Internet Transactions Act sa botong 20 pabor at walang tutol kahapon, September 25.
Layon ng Senate Bill No. 1846 na protektahan ang mga negosyante at mamimili laban sa mga mapanlinlang na gawain sa internet transactions.
Layunin din nito na tiyakin na ang mga transaksyon sa e-commerce ay maaasahan, ligtas, at abot-kamay para sa lahat ng mamimili.
Inilalapat din ng panukalang batas ang parusa laban sa mga e-marketplace, e-retailer, online merchant, at digital platform na lumalabag sa mga batas ng mamimili, at ang mga lumalabag sa tiyak na probisyon ay maaaring pagmultahin.
Bagamat sang-ayon ang minority bloc sa pagpasa nito, tutol ang ilang miyembro nito sa sertipikasyon ng panukalang batas bilang urgent.
Ayon kay Senate Minority Leader Aquilino “Koko” Pimentel III, nakakalungkot ang pangyayari dahil maaari umano itong aprubahan sa normal na takbo ng proseso para kung natuklasan ang ilang mga pagkakamali ay magagawang subukang ayusin ang mga hakbang.
Dagdag ni Pimentel, hindi aniya puwedeng maglabas ang pangulo ng sertipikasyon dahil ito’y prayoridad ng administrasyon.
Ayon naman kay Senate President Juan Miguel Zubiri, nirerespeto niya ang opinyon ni Pimentel ngunit sinabi rin niyang lahat ng pandaraya na nangyayari ngayon sa internet ay isang emergency.
Sa pagtutol ni Pimentel, pinutol ni Senate Majority Leader Joel Villanueva ang desisyon na magpatuloy sa pagpasa ng panukalang batas sa ikalawa at ikatlong pagbasa sa loob ng isang araw at ipinaboto ito, kung saan natalo ang mosyon ng lider ng minorya.
METRO MANILA – Nais ni Pangulong Ferdinand Marcos Jr. na mapabilis na ang digitalization sa gobyerno upang mapabilis na rin ang mga transaksyon at mapagaan ang proseso ng pagnenegosyo sa bansa.
Ito ang naging sentro ng talumpati ng pangulo sa kaniyang pagdalo sa Telcom Summit sa Pasay City.
Ayon sa pangulo , kailangan na itong maipatupad upang makabangon ang bansa mula sa pandemya.
Nababagalan rin si Pangulong Marcos Jr. sa internet connection sa bansa.
Mahalaga aniya ang internet connection lalo na sa mga malalayong komunidad.
Nangako naman ang pangulo na pabibilisin ng gobyerno ang paglalabas ng permits at licenses sa mga telco para sa pagtatayo ng internet infrastructure sa bansa upang mas mapaganda pa ang kanilang serbisyo.
(Nel Maribojoc | UNTV News)
Tags: DIgitalization, Internet, PBBM
METRO MANILA – Obligadong magparehistro sa tanggapan ng Bureau of Internal Revenue (BIR) ang lahat ng kumikita online kabilang na rito ang mga social media influencer.
Ayon kay BIR Commissioner for legal group, atty. Marissa cabreros, kailangang ideklara nila ang kanilang kinikita sa ibat-ibang online platforms
“Basta lahat po ng ating mga nasa online ang means of kita, kumikita sila binabayaran sila sa kahit anong klase ng serbisyo na ginagawa online, lahat po ng taxpayers indibidwal at korporasyon na tumatanggap ng income incash or inkind na ginagamit ang media site or any other platform at any activity perform on those sites and platform basta kumikita sila because of it sila po ang tinutukoy natin na kailangang magrehistro, yun nga lang po ang mga famous as example are our youtubers, yung naglive streaming sa facebook instagram twitter tiktok reddits snapshot and all other platforms po.” ani BIR Deputy Commissioner for Legal Group, Atty. Marissa Cabreros.
Pero paglilinaw ng BIR, hindi kasama rito ang mga small-time earners o yung mga maliliit lamang ang kinikita sa social media platform.
“Kung yung annual net income ninyo sa buong taon is hindi naman lalagpas sa 250,000, zero percent ang tax rate niyan so walang babayarang income tax kaya yung sinasabi ng iba na maliit lang kami walang gaanong kinikita wala silang dapat ikatakot” ani BIR Deputy Commissioner for Legal Group, Atty. Marissa Cabreros.
Nagbabala naman ang ahensiya na maaaring kasuhan ng tax evasion ang mga kumikita ng malaki online tulad ng social media influencers na hindi magdedeklara ng kanilang kinikita at hindi pagbabayad ng buwis.
Ayon sa opisyal maaari din silang makasuhan sa hindi pagrerehistro ng kanilang negosyo, hindi pag-i-isyu ng resibo at tax fraud.
Posible ring makulong ng hindi bababa sa 6 na taon at pagmultahin ng hanggang P10-M ang sinomang hindi magbabayad ng tamang buwis.
Iginiit din ng BIR na ginagawa lamang nila ang kanilang mandato na habulin at papanagutin ang mga tax evaders.
(Marvin Calas | UNTV News)
Tags: BIR, social media
