METRO MANILA – Problemado ngayon ang pamahalaan dahil sa dumaraming bilang ng ating mga kababayan na hindi pa rin nagpapabakuna ng booster dose.
Isa sa mga ipinapanukala ni Presidential Adviser for Entrepreneurship at Go Negosyo Founder Joey Concepcion na gawin na lamang hanggang hunyo ang deadline sa pagpapa-booster.
Ayon kay Concepcion, maraming stock ng bakuna ang nakatakdang mag-expire sa nasabing buwan.
Sa tala ng Department of Health (DOH) mayroon pang nasa 33 million na mga fully vaccinated ang kinakailangan nang magpabooster shot para sa dagdag proteksyon laban sa COVID-19.
Para kay National Task Force Against COVID-19 Medical Adviser Doctor Ted Herbosa, pabor siya na magtakda ng deadline para sa pagbabakuna ng booster dose, dahil magbibigay daan ito para sa tuloy-tuloy na pagluluwag ng mga restriction sa bansa.
Kasama rin sa mga sinagayunan nito ang rekomendasyon na bigyan ng incentives ang mga may booster shot.
Bukod sa pagkakaroon ng deadline, dapat din paigtinging ang pagkakaroon ng localized vaccination days sa mga ilang lugar na maryoong mababang vaccination rate.
Naniniwala ang opisyal na posible pa ring magkaroon ng COVID-19 surge sa bansa kung hindi pa tataas ang bilang ng mga nagpapa-booster shot.
Samantala, nagpaalala naman si Doctor Herbosa sa publiko na siguraduhing nasusunod pa rin ang minimum health and safety protocols lalo’t marami ang inaasahang magbabakasyon sa mga pasyalan ngayong darating na long holiday.
Ayon sa doktor naiintindihan niya na sabik nang mamasyal ang ating mga kababayan pero hindi dapat makalimutan na magsuot ng facemask at mag social distancing para makaiwas sa hawaan ng sakit.
(Aileen Cerrudo | UNTV News)
Tags: Booster Shot
METRO MANILA – Muling hinikayat ng Department of Health (DOH) ang publiko na magpa-second booster shot kontra COVID-19.
Ito’y matapos makapagtala ng pagtaas muli ng kaso ng COVID-19 ang bansa pagkatapos ng long holiday.
3,148 na bagong kaso ng COVID-19 ang naitala sa bansa mula April 17 – 23, na may average na 450 na kaso kada araw. 5 ang nasawi habang 14 ang nadagdag sa severe at critical cases.
Samantala wala ng itatayong special vaccination sites ang DOH para sa magpapaturok ng 2nd booster.
Sa halip, ayon sa kagawaran, ay gagawin na ito sa mga health center sa kanya-kanyang Local Government Units (LGU).
Tags: 2nd Vaccination, Booster Shot, Covid-19
METRO MANILA – Maaari nang magpabakuna ng pangalawang COVID-19 booster shot, ang general population 18 years old pataas.
Ito ay matapos pirmahan ng Department of Health (DOH) ang guidelines para rito.
Kabilang sa mga maaaring makatanggap ng karagdagang proteksyon ay mga buntis, lactating women o nagpapasuso at immunocompromised.
Nakatakdang nang ipamahagi ngDOH ang guidelines na ipatutupad ng mga lokal na pamahalaan.
Tags: Booster Shot, Covid-19
METRO MANILA – Muling hinikayat ni Infectious Diseases Expert Dr. Rontgene Solante ang publiko na magpa-booster na kontra COVID-19.
Ito ay matapos nakapasok na sa bansa ang mas nakakahawang COVID-19 Omicron BQ.1 subvariant.
Ayon kay Dr. Salvaña malaki ang posibilidad na muling magkaroon ng case surge ng COVID-19 sa Pilipinas.
Gayunpaman, hindi naman aniya inaasahang malala ang magiging epekto nito sa isang indibidwal na tatamaan.
Samantala, 1,083 na mga bagong kaso ng COVID-19 ang naitala kahapon (November 28).
Dahil dito 4,035,658 na ang total COVID-19 cases sa bansa. 18,507 naman ang aktibong kaso.
Tags: Booster Shot, BQ.1 Subvariant, Covid-19
