METRO MANILA – May plano si Pangulong Rodrigo Duterte na bumisita sa mga lugar na naapektuhan ng pagputok ng Taal Volcano sa Batangas Ngayong araw (Jan 14).
Ito ay bagaman inamin ng Punong Ehekutibo na pinaalalahanan siya ng kaniyang doktor na mag-ingat dahil sa posibleng maging epekto sa ng ashfall.
Ginawa ng Pangulo ang pahayag nang bumisita sa Philippine Marine Corps sa Taguig City Kagabi (Jan. 13).
“I want to go around. Almost I want to visit all the affected areas. Kaya lang sabi nila I’ve been warned by my doctor to be careful kasi nga ito dala-dala ko. Hindi man ito maka-control ng ashes. You know I have a well my dynamics ako dito sa smoking sa the years of smoking. Apektado ‘yung lungs ko.”ani Pangulong Rodrigo Duterte
Tiniyak naman ng Punong Ehekutibo na nakatuon ang pansin ng pamahalaan sa pagbibigay ng ayuda sa mga apektadong residente. Magbibigay din ito ng pinansyal na suporta sa mga biktima ng kalamidad.
“ I will give financial assistance, ‘yung… doon dapat gagamitin ‘yung pera.” ani Pangulong Rodrigo Duterte.
Kaalinsabay nito ay nagbabala rin ang Pangulo sa mga negosyanteng nanamantala dahil sa lubhang pagtataas ng presyo ng face at gas mask. Para naman sa mga walang pambibili, mamimigay aniya ng libre ang pamahalaan ng N95 masks.
“Kasi itong mga negosyante if the demand is high then magkakaroon tayo ng medyo magkulang, then the prices go up. Or the worst thing that they can do if they have enough supplies and yet they are selling it at prohibitive prices already. So I’m setting the limit. I’d like to talk to the public health secretary tomorrow.” ani Pangulong Rodrigo Duterte.
(Rosalie Coz | UNTV News)
Tags: Bulkang Taal
Pinag-iingat ng Department of Health ang publiko sa mga posibleng maging epekto sa kalusugan ng pag-aalboroto ng bulkang Taal.
Ilan sa ibinabala ng DOH ay ang panganib na dala ng sulfur dioxide na mula sa bulkan kapag nalanghap o dumikit sa balat.
Ayon sa kagawaran, ang panandaliang exposure sa sulfur dioxide ay maaaring magdulot ng hirap sa paghinga kaya delikado ito sa mga may hika at mga bata.
Ang sulfur dioxide ay isang nakakalasong usok na posibleng makaapekto sa kalusugan ng tao at hayop pati na sa mga halaman.
Ang matagal na paglanghap ng mataas na konsentrasyon ng nakalalasong usok ay maaaring magdulot ng pamamaga at iritasyon sa baga at mga daluyan ng hanging.
Kaya pinaalalahanan ng kagawaran ng kalusugan na maging alerto ang publiko lalo na ang mga nasa high-risk areas.
Ilan sa mga sintomas ng sulfur dioxide exposure ay ang pangangati ng balat at mata, ubo, mucus secretion at hirap sa paghinga.
Bukod pa rito, binalaan din ng DOH ang publiko sa panganib ng ash fall sa kalusugan lalo na sa mga may hika, bronchitis at emphysema.
Sa mga nakatira malapit sa taal, paalala ng DOH iwasan lumabas ng bahay, isara palagi ang pintuan at bintana, magsuot ng facemask, proteksyon sa mata at balat.
Mababawasan ang pagpasok ng abo sa bahay sa pamamagitan ng pagsabit ng basang kurtina, kumot o tela sa mga bintana, gumamit ng dust mask o n95 mask, magsuot ng goggles o salamin bilang proteksyon sa mata.
Kung may emergency o hindi inaasahang malubhang pangyayari maaring tumawag sa DOH Health Emergency Management Bureau Operation Center sa 8711-1001, 8711-1002, Center for Health Development Calabarzon sa 8249-2000 o ‘di kaya ay sa inyong local emergency hotlines.
Janice Ingente | UNTV News
Tags: Bulkang Taal, DOH
METRO MANILA – Patuloy ang mga pagyanig at panakanakang pagbubuga ng usok mula sa bulkang taal sa mga nakalipas na ilang araw.
Ayon sa PHIVOLCS, senyales ito ng patuloy na paggalaw ng gas at magma sa Taal volcano at ang nagbabantang pagsabog nito.
Paliwanag ni Science and Technology Undersecretary at PHIVOLCS Director Renato Solidum, ang usok ay sanhi ng phreatomagmatic eruption.
Nangyayari ito kapag naghahalo ang magma at tubig na nasa bunganga ng bulkan.
Ngunit kung maubos na ang tubig, maaring makakita na ng strombolian eruption kung saan magkakaroon na ng lava flow.
“Pwede rin naman po kung sakaling mawala po iyong tubig diyan sa crater ng taal volcano—wala ng interaction ang magma and water—ay pwede pong mag-transition ito sa weak to violent eruption of gas-charged fluid magma na para pong may fireworks. Magkakaroon po ng lava fountaining at magpo-produce ng lava flow papunta sa baba.” ani PHILVOLCS Usec Renato Solidum.
Maaaring maka-apekto sa kalusugan ang pagbuga ng volcanic gas partikular na ang sulfur dioxide gas na humahalo sa hangin.
Ito rin ang nagdulot ng Volcanic Smog (VOG) na isang uri ng polusyon sa hangin.
“Very common effects of inhalation of sulfur dioxide—irritation of the respiratory tract. Asthmatics of course especially should be very aware and should take precautions against inhaling sulfur dioxide.” ani CALABARZON DOH Health Emergency Medical Service Head, Dr. Voltaire Guadalupe.
Dagdag pa ng DOH, maaari rin itong magdulot ng pagka-irita ng mata o balat kapag mataas ang konsentrasyon ng sulfur dioxide.
Kaya pinapayuhan ng mga otoridad ang mga apektadong residente na magsuot ng protective equipment o proteksyon sa katawan tulad ng pagsusuot ng face mask at goggles.
Nakahanda naman ang pamahalaang panlalawigan ng batangas na magbigay ng tulong sa mga residenteng lumikas.
P100-M pondo ang inilaan nito para sa quick response disaster efforts sa mga kaukulang lugar.
“Kaya ang lalawigan ngayon mamimigay sa frontliners nitong (N) 95 type ng ating facemask at ganun din patuloy hindi lang sa pagkain na pang araw araw atin din isinaisip na ang immunity system ng ating mga kababayan ay tumaas kaya yun mga pagkain at vitamins ay tuioy tuloy pa rin” ani Batangas Gov. Hermilando Mandanas.
(Asher Cadapan Jr. | UNTV News)
Tags: Bulkang Taal, PHIVOLCS
METRO MANILA – Nagkaroon ng phreatomagmatic explosion sa bulkang Taal kahapon ng 3:16pm.
Ito ang nagtulak sa PHIVOLCS para itaas ang alert sa lavel 3.
Sa phreatomagmatic explosion ay nagkakaroon na ng interaksyon ang magma sa tubig.
Inirekomenda ng PHIVOLCS and evacuation sa Taal volcano island at mga high risk areas ng Agoncillo at Laurel.
Mapanganib ring pumalaot sa lawa.
“Kailangang alamin yung mga areas na ineevacuate, maging ready kung sakaling magtaas ng alerto at siyempre magkaroon ng kayo ng mga pag-ipon ng mga necessary things kung sakaling magkaroon ng evacuation” ani PHIVOLCS OIC DOST Usec Renato Solidum.
Nagsagawa na ng paglilikas ang lokal na pamahalaan katuwang ang mga kawani ng PNP at PCG.
Ayon sa PHIVOLCS, kung magtutuloytuloy ang phreatomagpatic explotions ay posibleng tumaas pa ang alert level nito.
Pero kung huhupa naman sa loob ng 2 linggo ay maaaring naman itong ibaba.
(Rey Pelayo | UNTV News)
Tags: Bulkang Taal
