Nakatakdang magbigay ng mensahe mamayang tanghali si Pangulong Benigno Aquino The third dito sa heroes hall ng palasyo ng Malakanyang.
Batay sa inilabas na impormasyon ng malakanyang, alas dose mamayang tanghali ay magbibigay ng kaniyang nationwide address ang Pangulo na ibo-broadcast naman live sa mga radyo at telebisyon.
Inaasahan na ang magiging laman ng talumpati ng Pangulo ay tungkol sa resulta ng ginawang panibagong imbestigasyon sa January 25 Mamasapano incident.
Sinabi kahapon ni Presidential Spokesman Edwin Lacierda na ang imbestigasyon na iniutos ng Pangulo sa Mamasapano incident ay naglalayong maisara nang tuluyan ang kaso at madetermina ang “final truth”.
Ito ay sa gitna na rin ng naglalabasang ibat ibang bersyon kaugnay ng nangyari sa Mamasapano partikular na ang pagkakapatay sa malaysian terrorist na si Zulkifli Bin Hir alyas Marwan.(Nel Maribojoc/UNTV Correspondent)
