METRO MANILA – Inaasahang aabot sa P42 hanggang P49 ang kada kilo ng presyo ng bigas sa merkado sa susunod na buwan.

Kasunod ito ng pinirmahang Executive Order Number 62 ni Pangulong Ferdinand Marcos Junior na layong ibaba ang rice tariff mula 35% patungong 15%.

Hindi natupad ang naunang naipangako ng gobyerno na mas murang bigas dahil hindi na umano kinaya ng rice traders na makapag produce ng mas mababa sa P30 kada kilong murang bigas.

Nakipag-usap naman ang house leader sa Philippine Rice Industry Stakeholders’ Movement (PRISM) at maging kay National Food Authority Officer-In-Charge-Administrator Larry Lacson.

Ang PRISM ang nanawagan kamakailan na ipagpaliban ang implementasyon EO 62 upang magkaroon ng panahong makapaghanda ang mga magsasaka at stakeholders sa magiging epekto nito.

Binubuo ang PRISM ng seed growers, mga magsasaka, millers, traders, importers at retailers.

Tags: PRISM, Rice Price