Higit 80 porsyento ang itinaas ng isang juice product batay sa ulat ng Department of Trade and Industry (DTI). Dahil ito sa epekto ng dagdag na buwis sa mga sweetened beverages.
Ibig sabihin, mula 8.75 piso na 25 grams, pumalo na ito sa 16.10 piso.
Subalit ayon kay Trade Secretary Ramon Lopez, hindi ang dagdag presyo ang ikinabahala ni Pangulong Rodrigo Duterte, kundi ang taglay na dami ng asukal sa naturang produkto.
Kaya upang bigyang-babala ang publiko sa masamang maidudulot ng pag-consume ng maraming asukal, nais na nitong palagyan ng health warning ang mga produktong nagtataglay ng maraming asukal partikular na ang mga powdered juice drink.
Gayunman, kinakailangan pang makipag-ugnayan ng DTI sa mga stakeholder upang tukuyin kung anu-anong mga produkto ang may high-sugar content.
Hinggil naman sa labeling, makikipag-ugnayan ang DTI sa Department of Health at Food and Drug Administration.
Target mapatupad ang paglalagay ng health warning sa mga sugary product sa loob ng isa hanggang dalawang buwan.
Bukod dito, posible ring masakop ang iba pang produktong nagtataglay ng maraming asukal.
( Rosalie Coz / UNTV Correspondent )
Tags: DTI, health warning, Pang. Duterte
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
