Nakabalik na sa bansa ang pamilya ni Mary Jane Veloso kaninang 5:50 ng umaga lulan ng PAL Flight PR 536
Kasama sa mga sumalubong sa pamilya ni Mary Jane ang grupong Migrante International at ang media.

Nagkaroon ng kaunting komosyon knina at natapilok pa ang ama ni Veloso na si Mang Cesar dahil nagkaroon nagkagitgitan sa kanilang pagdating sa paliparan.

Nakaalis sila sa NAIA bandang ala-6:40 naman ng umaga.

Sa panayam ng UNTV Radio kay Atty. Edre Olalia ng National Union of Private Lawyers (NUPL), natutuwa sila na naipagpaliban ang pagbitay Kay Mary Jane ngunit marami pa aniya silang dapat gawin lalo na sa kahilingan na gawing testigo si Mary Jane laban sa mga umanao’y illegal recruiter nito.

Paglabas nila ng Bay 14 sa NAIA Terminal 2 ay dumiresto sila sa sasakyan patungo sa Migrante International Office para isang press conference mamayang alas-11 ng umaga.(Aiko Miguel/UNTV Radio)

Tags: Atty. Edre Olalia, Mary Jane Veloso, National Union of Private Lawyers, pamilya