Pamahalaan ng Pilipinas, hinimok na pursigihin ang pagpapauwi sa bansa kay Mary Jane Veloso

by Radyo La Verdad | May 6, 2016 (Friday) | 12624
Photo credit: REUTERS

Photo credit: REUTERS

Nananawagan sa pamahalaan ng Pilipinas ang National Union Of Peoples Lawyers o NUPL na pursigihin na maibalik sa bansa si Mary Jane Veloso.

Si Veloso ang Pilipinang nahatulan ng parusang kamatayan sa Indonesia dahil sa drug trafficking.

Ang NUPL naman ang tumatayong abogado ng pamilya Veloso dito sa Pilipinas.

Mahigit isang taon na mula nang ipagpaliban ng Indonesia ang execution kay Veloso upang bigyan daan ang mga kasong illegal recruitment at human trafficking na isinampa nito sa kanyang mga recruiter sa Pilipinas.

Kaunay nito ay nanawagan ang NUPL sa pamahalaan na pabilisin ang paglilitis sa mga kaso ni Veloso.

Muli ring hiniling ng grupo na buksan ang pakikipag usap sa Indonesia na mabigyan ng clemency si Veloso batay sa humanitarian grounds.

(Roderic Mendoza / UNTV Correspondent)

Tags: , ,