Bibigyan ng seguridad ng Philippine National Police ang pamilya ng pinaslang na Mayor ng Loreto Agusan del Sur na si Dario Otaza.
Ayon kay PNP Chief P/Dir.Gen. Ricardo Marquez, nalulungkot sila dahil sa pagkawala ng isang mabait at mahusay na alkalde at katuwang ng pamahalaan sa kampanya upang mawala ang impluwensiya ng mga rebeldeng npa sa kanyang bayan.
Sinabi pa ng heneral na dating miyembro ng New People’s Army si Mayor Otaza na nagbalik loob sa pamahalaan kayat hinihikayat din nito ang kanyang mga dating kasamahan na isuko na ang kanilang sandata sa gobyerno.
Inaalam na ng pulisya ang nasa likod ng pagpaslang kay Mayor Otaza.
“He is a very very valuable partner of government in trying to make sure that mawala ang influence ng insurgency doon so that the people there could leave normal lives.” Pahayag ni PNP Chief P/Dir.Gen. Ricardo Marquez
Gayunman, tuloy aniya ang imbestigasyon ng pnp sa tunay na dahilan ng pagpaslang sa alkalde at upang matukoy kung NPA ang nasa likod nito.
