Nilinaw ng Department of Transportation (DOTr) na hindi magkakaroon ng pagtaas sa pamasahe ng Metro Rail Transit o MRT-3 pagkatapos ng rehabilitasyon dito.
Ginawa ng kagawaran ang pahayag matapos ang paglagda ng Pilipinas at Japan sa eighteen billion peso loan agreement para sa rehabilitasyon ng tren.
Sa statement na nasa kanilang facebook page, sinabi ng DOTr na pababayaan muna nila na maranasan ng mga commuter ang mga pagbabago sa MRT-3.
Huling nagpatupad ng taas-pasahe sa MRT-3 noong Enero 2015. Labing isang piso ang naging base fare nito at dagdag na piso sa bawat kilometro.
Tatagal ang rehabilitasyon sa MRT-3 hanggang sa 2022. Kasama sa mga aayusin ang riles, power supply, electro-mechanical systems at depot equipment.
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Magsasagawa ng malawakang nationwide jobs fair ang Department of Labor and Employment (DOLE) sa darating na Mayo 1 o araw ng Paggawa.
Nagtakda rin ang kagawaran ng 120 sites o lugar sa bansa na pagdarausan naman ng pamamahagi ng livelihood project kung saan inaasahang na aabot sa P671-M ang nakalaang pondo para sa mga beneficiaries.
Samantala, may handog din na libreng sakay ang DOLE katuwang ang Department of Transportation (DOTr) para sa mga manggagawa.
Magsisimula ang libreng sakay sa LRT-2 at MRT-3 ng alas-7 ng umaga hanggang alas-9 ng gabi at alas-5 ng hapon hanggang alas-7 ng gabi.
Para maka-avail ng libreng sakay, ipakita lamang ang inyong company ID o kaya ay anomang government issued ID kung walang company ID at edad 18 pataas.
METRO MANILA – Pinag-aaralan ngayon ng Metropolitan Manila Development Authority (MMDA) ang
pag-alis ng bicycle lane sa Edsa.
Plano ng ahensiya na palitan na lamang ito ng motorcycle lane.Ayon kay MMDA Acting Chairman Atty. Romando Artes, ito ay dahil aabot lang naman sa 1,500 ang mga bisikletang dumaraan sa Edsa kada araw habang nasa 117,000 na motorsiklo ang gumagamit ng lansangan bawat araw.Sa ngayon ay wala pa naman aniyang deadline para sa pag-aaral ng MMDA at Department of Transportation (DOTr) para sa
motorcycle lane sa Edsa maging sa pag aalis ng bicycle lane.
