Bumisita si Pangulong Benigno Aquino III sa People Power Experiential Museum sa Kampo Aguinaldo kaninang umaga.
Kasama nito ang ilang cabinet secretaries at ang pinakamataas na namumuno sa AFP at PNP. Kabilang rin sa dumating si Commissioner Dingdong Dantes.
Samantala, balak gawing permanente ng pamahalaan ang People Power Experiential Museum.
Ayon kay Presidential Communications Operations Office Secretary Herminio Coloma, hinahanapan ng EDSA People Power Commission ng permanenteng lugar na maaaring pagtayuan ng isang experiential museum.
Aniya noong nakaraang linggo ay nagsabi si Vice Mayor Joy Belmonte ng Quezon City na handa sila ni Mayor Herbert Bautista na tumulong upang magkaroon ng isang permanenteng tahanan ang Experiential Museum, kaya’t paguusapan ito ng EDSA People Power Commission at Quezon City Government.
Para kay Coloma binubuhay muli ng museum na ito ang diwa ng EDSA at ang diwa ng pagmamahal sa bayan.
Aniya ang mahahalagang yugto ng kasaysayang pinagdaanan ng sambayanang Pilipino ay matutunghayan, mararanasan ng lahat ng mga pupunta dito.
(Jerico Albano / UNTV Radio Reporter)
METRO MANILA – Tiniyak ng Malacañang na mabibigyan ng ayuda ng pamahalaan ang mga naapektuhan ng Bagyong Ursula.
Lubhang naapektuhan ng bagyo ang Eastern Visayas at Southern Luzon kung saan may mga nasawi.
Wala namang detalye ang palasyo kung makakadalaw si Pangulong Rodrigo Duterte sa mga lugar na naapektuhan ng bagyo.
“During this time of calamities, all the agencies involved in the rehabilitation, in helping, assisting are all in placed” ani Presidential Spokesperson & Chief Presidential Legal Counsel Sec. Salvador Panelo.
(Rosalie Coz | UNTV News)
Tags: Malacañang, Pamahalaan
Bukas si dating Supreme Court Chief Justice Maria Lourdes Sereno sa ideya ng pagtakbo sa public office.
Gayunman, sinabi ni Sereno sa isang panayam na kailangan pa niyang pag-isipan itong mabuti.
Isa pa aniya sa kanyang ikinokonsidera ay ang pagsali sa iba pang cause oriented groups na nagsusulong ng mga pagbabago sa bayan.
Tags: Pamahalaan, Sereno, Supreme Court
Hindi lamang lalake ang sasanayin ng Technical Education and Skills Development Authority o TESDA sa larangan ng construction na kakailanganin para sa Build, Build, Build program.
Pati mga babae ay tatanggapin ng TESDA sa mga non-traditional trade o mga trabaho na itinuturing na para lamang sa mga kalalakihan.
Ayon sa TESDA, isang daang libong manggagawa ang kailangan ng administrasyon para sa nasabing programa subalit nasa 25 thousand pa lamang ang nag-enroll.
Nais patunayan ng TESDA na kaya na rin ng mga babae ang mga trabaho na ginagawa ng mga kalalakihan. Lahat ng papasok sa training ngayong taon ay siguradong magkakaroon agad ng trabaho matapos ang graduation.
Bukas para sa enrollment ang mga skills training gaya ng welding, plumbing, carpentry at electronics.
Sa lahat ng interesado, magdala lamang ng 2 pcs. colored 1×1 picture with white background, ballpen at kopya ng National Career Assessment Exam, kung mayroon. Kailangan na highschool graduate rin para matanggap sa training.
Bukas ang aplikasyon sa lahat ng TESDA Training Center, Lunes hanggang Huwebes alas otso ng umaga hanggang alas tres ng hapon.
( Mon Jocson / UNTV Correspondent )
Tags: mga babae, Pamahalaan, TESDA
