Tuloy ang pagtaas sa presyo ng mga bilihin.
Ayon sa mga supermarket owners, halos buwan-buwan ay nagkakaroon ng paggalaw sa presyo ng mga produkto.
Dagdag pa ng mga supermarket owners, may ilang manufacturers na hanggang sa ngayon ay hindi nagtataas ng presyo; isang halimbawa ay ang kilalang brand ng powdered juice drink na ang presyo ay sampung piso lamang kumpara sa kalaban nito na parehong klase na nasa labing anim na piso.
Payo ng mga supermarket owners sa mga consumers, maging matalino sa pamimili upang makatipid sa gastusin.
Pero ayon sa National Economic and Development Authority (NEDA), walang dapat ipag-alala ang publiko dahil pansamantala lamang ang nararanasang mataas na presyo ng bilihin na dulot ng inflation.
Ayon kay NEDA Secretary Ernesto Pernia, inaasahan na babalik sa normal ang presyo ng mga bilihin matapos ang taong ito.
Dagdag pa ni Pernia, bagamat pansamantala lamang ang epekto ng Tax Reform for Acceleration and Inclusion (TRAIN), kailangang maglunsad pa rin ang pamahalaan ng mga paraan upang matulungan ang publiko.
Kabilang dito ang pagbibigay ng sabsidiya sa mga jeepney driver at pagpapatupad ng polisiya gaya ng pag-aalis ng restriksyon sa dami ng aangkating bigas.
Pero ayon sa mga ekonomista, mas dapat bantayan ng pamahalaan ang presyo ng produktong petrolyo. Pinakamalaking factor raw sa pagtaas ng bilihin ay ang pagtaas sa presyo ng langis. Sa nakalipas na tatlong taon, naging malaki ang bentahan ng krudo sa world market.
Ayon sa isang economist na si Wilson Lee Flores, mabuti na lamang daw at kaibigan ngayon ng Pilipinas ang Russia. Mayroong matatakbuhan ang Pilipinas kung lalala ang sitwasyon sa mga oil exporting countries.
Sa Miyerkules ay magsasagawa ng pagdinig ang Senate Committee on Economic Affairs upang pag-usapan kung ano ang dapat na gawing aksyon sa tumataas na presyo ng mga bilihin dulot ng TRAIN law.
( Mon Jocson / UNTV Correspondent )
METRO MANILA – Posibleng umabot sa 2.8% hanggang 3.6% ang maitatalang inflation rate sa bansa para sa buwan ng Pebrero ngayong 2024.
Base ito sa forecast ng Bangko ng Sentral ng Pilipinas (BSP).
Ilan sa mga bagay na posibleng makapagtaas sa galaw ng inflation ay ang patuloy na pagtaas ng presyo ng mga pagkain gaya ng bigas, karne, at isda. Gayundin ang presyo ng langis at kuryente.
Habang maaari rin itong hilain pababa dahil naman sa mababang presyo ng gulay, prutas at asukal.
Noong Enero umabot sa 2.8% ang naitalang inflation rate sa bansa o ang pagtaas ng presyo ng bilihin at iba pang pangunahing serbisyo na binabayaran ng mga konsyumer.
METRO MANILA – Inihayag ng isang opisyal ng National Economic and Development Authority (NEDA) ang plano ng pamahalaan na magbigay ng targeted subsidy para sa agricultural sector ng bansa.
Ayon kay NEDA Undersecretary Rosemarie Edillon, ang nasabing subsidiya ay maaaring targeted subsidy sa mga farmer partikular na sa kanilang production, para sa kanilang ginagamit na fuel, fertilizer at mechanization.
Bukod sa mga magsasaka, sinabi rin ng opisyal na iniisip din ng pamahalaan na magbigay ng tulong sa mga mamimili na nasa lower income classes sa pamamagitan ng food stamps mula sa Department of Social Welfare and Development (DSWD).
METRO MANILA – Bumaba ang bilang ng mga Pilipinong walang trabaho sa bansa, base sa latest report ng Philippine Statistics Authority (PSA).
Sa datos ng PSA, bumaba sa 1.6 million ang mga Pilipinong walang trabaho noong December 2023.
Mas kakaunti ito kumpara sa 1.83 million na unemployment noong Nobyembre nang nakaraang taon.
Dahil dito bumagsak sa 3.1% ang unemployment rate noong December 2023, na mas mababa kumpara sa 4.3% na naitala sa kaparehong panahon noong 2022.
Welcome naman para sa National Economic Development Authority (NEDA) ang pagbaba ng unemployment sa bansa, na anila’y indikasyon lamang ng patuloy na masiglang paglago ng ekonomiya ng bansa.
Tags: NEDA, unemployment
