METRO MANILA – Naglabas ng pahayag ang National Economic and Development Authority (NEDA) nitong May 8 sa pamamagitan ng Presidential Communications Office na matagumpay na nabawasan ang kabuoang inflation sa bansa sa nakalipas na 3 buwan ayon sa ulat ng Philippine Statistics Authority (PSA).
Ito ay bahagi ng pagsisikap ng NEDA na matugunan ang mga isyu na nagdudulot ng pagtaas ng presyo ng mga bilihin nitong mga nakaraang buwan.
Gayunpaman, ipinunto ng ahensya na ang bilang ng “self-rated poor” ay nananatili sa kabila ng pagbuti ng labor market, kaalinsabay sa pagsisiyasat ng Social Weather Stations (SWS) noong March 2023 na nagsasabing 14-M o kalahati ng lahat ng pamilyang Pilipino ay inilarawan ang kanilang sarili bilang mahirap.
Isinaysay ng NEDA na marami pang gagawin upang makamit ang hangarin ng gobyerno na maibaba sa 2% hanggang 4% ang inflation sa bansa sa katapusan ng taon.
(Andrei Canales | La Verdad Correspondent)
METRO MANILA – Inihayag ng isang opisyal ng National Economic and Development Authority (NEDA) ang plano ng pamahalaan na magbigay ng targeted subsidy para sa agricultural sector ng bansa.
Ayon kay NEDA Undersecretary Rosemarie Edillon, ang nasabing subsidiya ay maaaring targeted subsidy sa mga farmer partikular na sa kanilang production, para sa kanilang ginagamit na fuel, fertilizer at mechanization.
Bukod sa mga magsasaka, sinabi rin ng opisyal na iniisip din ng pamahalaan na magbigay ng tulong sa mga mamimili na nasa lower income classes sa pamamagitan ng food stamps mula sa Department of Social Welfare and Development (DSWD).
METRO MANILA – Bumaba ang bilang ng mga Pilipinong walang trabaho sa bansa, base sa latest report ng Philippine Statistics Authority (PSA).
Sa datos ng PSA, bumaba sa 1.6 million ang mga Pilipinong walang trabaho noong December 2023.
Mas kakaunti ito kumpara sa 1.83 million na unemployment noong Nobyembre nang nakaraang taon.
Dahil dito bumagsak sa 3.1% ang unemployment rate noong December 2023, na mas mababa kumpara sa 4.3% na naitala sa kaparehong panahon noong 2022.
Welcome naman para sa National Economic Development Authority (NEDA) ang pagbaba ng unemployment sa bansa, na anila’y indikasyon lamang ng patuloy na masiglang paglago ng ekonomiya ng bansa.
Tags: NEDA, unemployment
METRO MANILA – Bumaba sa 7.9 Million ang bilang ng mga Pilipinong walang trabaho ayon sa pinaka huling survey ng Social Weather Stations (SWS).
Lumabas sa resulta ng survey na isinagawa noong September 28 hanggang October 1, na bumaba sa 16.9% ang adult joblessness, 5.8% ito na mas mababa kaysa sa 22.8% noong June 2023 o humigit-kumulang 10.3 Million adults.
Ang mga walang trabaho ay binubuo ng mga boluntaryong umalis sa trabaho, naghahanap ng trabaho sa unang pagkakataon, nawalan ng trabaho dahil sa economic circumstances o natanggal sa trabaho.
Tags: Pilipino, SWS, Unemployed
