METRO MANILA – Pababa na ng pababa ng purchasing power ng mga Pilipinong mamimili dahil sa pagtaas ng presyo ng mga bilihin.
Bukod kasi sa bigas at sibuyas, isa pa sa karaniwang kasama sa hapag kainan ng mga Pilipino ang itlog na nagmahal na rin.
At kasunod na rin nito ang price increase sa iba pang pagkain na ginagamitan ng itlog gaya ng mga tinapay at silog businesses.
Batay sa pinakahuling price monitoring ng Department of Agriculture (DA) sa ilang malalaking palengke sa Metro Manila, ang dating P5 – P6 na kada piraso ng itlog, ngayon halos P9 na ang kada piraso depende sa sukat.
Ayon kay Gregorio San Diego Chairman ng United Broilers Raisers Association (UBRA), hindi pa masasabi kung hanggang kailan mararamdaman ang mataas presyo sa itlog lalo’t marami ang nagsara na mga nagnenegosyo ng itlog ng manok.
Sa ngayon inaalam pa ng DA kung posibleng magtuloy-tuloy hanggang sa mga susunod na buwan ang pagtaas ng presyo ng itlog dahil sa problema sa suplay.
(Janice Ingente | UNTV News)
METRO MANILA – Walang kakulangan sa supply ng itlog sa bansa ayon kay Senator Cynthia Villar.
Kaya lamang aniya mataas ang presyo nito ay dahil sa artipisyal na shortage na nililikha ng mga trader upang kumita nang malaki.
Katunayan aniya sobra sobra ang supply sa San Jose Batangas na pinanggagalingan ng 30% ng supply ng itlog sa bansa.
Batay sa ulat ng Department of Agriculture, ang medium-sized egg ay dapat may retail price lamang na P7 hanggang P7.50 kada piraso.
P2 mas mababa dapat kumpara sa naiulat na kasalukuyang presyo na P9.60.
Nasa P6.97 lang naman ang farmgate price lamang nito per piece.
Kaugnay nito, inatasan ni Pangulong Ferdinand Marcos Junior si DA Undersecretary Domingo Panganiban na pulungin ang traders at producers upang malaman kung bakit nagtaasan ang presyo ng itlog sa kabila ng sapat na suplay nito sa merkado.
METRO MANILA – Patuloy pa ring tumataas ang presyo ng gulay sa ilang pamilihan sa Metro Manila bunsod ng pananalasa ng bagyong Karding.
Ayon sa mga nagtitinda, nagsimula tumaas ang presyo ng gulay matapos salantain ng bagyo.
Karamihan kasi umano ng mga gulay na ibinabagsak sa Metro Manila ay mula Nueva Ecija, Bulacan, at Quezon Province.
Inaasahan ng mga nagtitinda na hanggang sa susunod na Linggo pa ang ganitong sitwasyon habang wala pang naaani ang mga magsasaka.
Dahil sa taas ng presyo ng gulay, umaaray rin ang mga nagtitinda dahil sa tumal ng bentahan.
Sa huling datos ng Department of Agriculture, pumalo na sa P3.12-B ang halaga ng pinsala ng bagyong Karding sa agrikultura.
Nangako na ang ahensya ng mga punlang ipamimigay sa mga magsasaka bilang tulong.
Tags: gulay, Metro Manila, presyo
METRO MANIA – Humiling na ng taas presyo sa Department of Trade and Industry (DTI) ang ilang manufacturers ng mga pangunahing bilihin.
Ito ay kasunod parin ng nagpapatuloy na oil price hike na nagpapataas rin sa presyo ng raw materials.
Ayon kay Steven Cua, Presidente ng PH Amalgamated Supermarket Association, pagpasok pa lamang ng buwan ng Marso may mga manufacturer na nagtaas ng presyo sa mga pangunahin produkto.
Posible aniyang aabot ng hanggang 6% ang itataas ng presyo ng basic commodities sa mga susunod na araw dahil may ilan pang manufacturer ang humirit ng taas presyo.
“Mayroong mga imported items more than 10% pero hindi naman essential yun, yung iba essential it’s about 2 to 6% yan ang average percent yung basic and mga priority items na binibili natin pang araw-araw. There are around 15,000 items which has the supermarket na iba’t ibang kategorya at iba’t ibang presyo din, may non-essentials maaaring mas malaki ang itinaas and essentials na hindi masyadong malaki ang itinaas.” ani Philippine Amalgamated Supermarkets Association (PAGASA) President, Steven Cua.
Aniya, pangunahing mararamdaman ang pagtaas ng presyo sa mga produkto gaya ng kape, gatas, yogurt, canned goods at iba pang prime commodities.
“Mga kategoryang tumaas halo-halo, may kape, morning beverage, mayroong gatas ng bata, sardinas isang brand lang, gatas fresh milk dalawang brand may yogurt, sari-sari for different reasons I’m sure.” ani Philippine Amalgamated Supermarkets Association (PAGASA) President, Steven Cua.
(Janice Ingente | UNTV News)
