Pinangangambahan ng International Rice Research Institute na magkaroon ng krisis sa bigas sa buong mundo dahil sa epekto ng El Niño phenomenon at climate change.
Ayon sa IRRI sa kasalukuyan ay bumaba na ang rice production sa bansa pati na sa iba’t- ibang rice producing countries sanhi ng pabago bagong panahon.
Kapag mababa ang supply ng bigas kumpara sa mataas na demand, tiyak na tataas ang halaga nito sa merkado.
Bunsod nito hinikayat ng IRRI ang iba’t ibang bansa na magpatupad ng agarang aksyon upang tugunan ang suliraning kinakaharap sa suplay ng bigas.
Isang hamon din para sa IRRI ang patuloy na paglobo ng populasyon sa buong mundo.
At pagbaba naman ng bilang ng mga taong nagkaka-interes na pasukin ang agricultural sector hindi lang sa Pilipinas kundi sa ibang bansa.
Sa pagtaya ng IRRI sa taong 2050 mayroon ng sampung bilyong tao na mangangailangan ng bigas ngunit hindi tiyak kung may mga magsasaka pang magtatanim ng mga palay.
Hinimok rin nila ang mga kabataan ngayon na kumuha ng agricultural courses na sinamahan ng makabagong yielding procedures upang maiwasan ang posibleng food crisis.
(Sherwin Culubong / UNTV Correspondent)
Tags: buong mundo, Climate Change, IRRI, presyo ng bigas
Patuloy na nakararanas ng epekto ng climate change ang Pilipinas, katunayan nito ang nararamdaman nating mainit na temperatura.
Ang mga bagyong nararanasan natin ay tumataas na rin ang intensity sa 170 kilometers per hour.
Ayon sa PAGASA, sa nakalipas na sampung taon may kaunting pagtaas sa bilang ng malalakas na mga bagyo na dumadaan sa bansa.
Ayon kay Rozalinda de Guzman ang Chief ng Climate Change data ng PAGASA, maaaring magdulot ito ng mga pagkalubog sa baha ng mga low lying areas lalo na kapag tag-ulan.
Pangunahing maapektuhan nito ang mga kababayan nating nakatira malapit sa mga dalampasigan.
Apektado rin ng pagtaas ng temperatura ang ani ng mga magsasaka.
“’Pag tumaas ang temperature ng one degree centigrade ay mababawasan ‘yung yield natin ng 10% ito po ang very critical sa Pilipinas kasi po tayo ay rice eating country,” pahayag ni Rozalinda de Guzman, Chief, Climate Data Section, PAGASA.
May mga programa naman ang PAGASA at Department of Agriculture para maibsan ang epekto nito. Kasama na riyan ang paglalagay mga early warning systems sa agricultural areas. Pagtatayo ng mga PAGASA weather radar at regional flood forecasting centers sa mga probinsiya.
Batay sa projection ng PAGASA, kapag hindi naresolba ang epekto ng climate change sa bansa, pagdating ng 2050 o sa katapusan ng 21st century, tataas ng 4 degrees centrigrade ang temperatura sa bansa, patuloy na tataaas ang sea level at magiging mas madalas ang pagdating ng malalakas na bagyo.
Tags: Climate Change
METRO MANILA – Inihayag ni Outgoing Agriculture Secretary William Dar na maaari lamang umabot sa P27.50/kilo ang pinakamababang presyo ng bigas na maaaring ipatupad sa ngayon.
Ngunit ayon sa kalihim, sa ngayon ay sinimulan na nila ang pagbuo ng mga konsepto kung papaano mapababa sa P20 ang kada kilo ng bigas.
Kabilang na rito ang pagbuhay sa Masagana 99, ang programa noon ni dating Pangulong Ferdinand Marcos Senior kung saan 99 na kaban kada ektarya ang kinakailangan maani sa tulong ng mga makabagong makinarya.
“The nearest we can do by now, I can be given other figures if you have better way of doing it P27.50 is the nearest, so that must be the aspiration there before. Now, let’s go beyond that aspiration. So for inbred rice meron kaming konseptong Masagana 150” ani Department of Agriculture Sec. William Dar.
Tags: DA, presyo ng bigas
METRO MANILA – Hindi makatotohan o imposible para sa kilusang magbubukid ng Pilipinas, ang plano ni Presumptive President Bongbong Marcos Jr. na ibaba sa P20 ang kada kilo ng bigas sa ilalim ng kanyang administrasyon.
Paliwanag ni Kilusang Magbubukid ng Pilipinas (KMP) Chairpeson Emeritus, Rafael Mariano masyadong malaki ang halagang ginagastos sa produksyon ng palay, kaya’t tiyak na malulugi ang mga magsasaka kung ibaba ng hanggang P20 ang presyo ng bigas.
Bukod sa malaking gastos sa produksyon, isa pa sa labis na nakapagpapabigat aniya sa mga magsasaka ay ang ipinatutupad na Rice Tariffication Law.
Sa ilalim ng naturang batas maaaring mag-import ng mas maraming bigas ng Pilipinas mula sa ibang mga bansa na papatawan ng mas mababang buwis.
Gayunman reklamo ng Kilusang Magbubukid ng Pilipinas (KMP), hindi naman totoo na napabababa ng rice tariffication law ang presyo ng bigas kahit madami na ang inaakangat ng pamahalaan mula sa ibang mga bansa.
Ayon kay Mariano, maaari lamang siguro na maging P20 ang kada kilo ng bigas kung tuluyan nang tatanggalin ng pamahalaan ang rice tariffication law.
Sa halip na rice tariffication law dapat aniyang maisabatas ang panukalang National Food Self Sufficiency Act.
Layon ng batas na ito na maitaguyod at mapalakas ang lokal na produksyon ng palay upang hindi na dumipende ang Pilipinas sa suplay na mangagaling sa ibang mga bansa.
Sa isang panayam sinabi ni Department of Agriculture (DA) Secretary William Dar na plano nila na muling ibalik ang NFA rice sa mga pamilihan subalit para lamang ito sa mga benepisyaryo ng Pantawid Pamilya Pilipino Program (4Ps).
Samantala, may inihahanda nang plano ang DA upang mapataas ang produksyon ng pagkain sa bansa at magkaroon ng sapat na suplay na maibebenta sa mas murang halaga.
(Aileen Cerrudo | UNTV News)
Tags: presyo ng bigas
